04.07.2026 | 13:33
Հայաստանը ձգտում է արհեստական բանականությունը դարձնել տնտեսական աճի շարժիչ ուժ․ Մխիթար Հայրապետյանի հարցազրույցը Apolitical-ին
Պատկերացրեք՝ երեխան գա գիտակցության ու տեսնի՝ ինչ են քննարկում մոր մասին․ Անի Սամսոնյան. ՏԵՍԱՆՅՈՒԹ
Հասարակություն
09.03.2020 | 14:51
Բռնության թեմայի լուսաբանման հարցում ակնհայտորեն խնդիր ունենք: «Սպանություն և ծեծ Գյումրիում. ընտանեկան բռնության կանխարգելման խնդիրները» թեմայով քննարկման ժամանակ այս մասին նշեց Ոստիկանության քրեական հետախուզության 3-րդ՝ անչափահասների իրավունքների պաշտպանության և ընտանեկան բռնության դեմ պայքարի վարչության պետ Նելլի Դուրյանը:
«Ունեցել ենք դեպք, երբ ընտանիքն ուղղակի տունը վաճառել է, թողել գնացել է երկրից, որովհետև ամբողջ մարզը գիտեր՝ ում մասին է խոսքը: Այդ երեխան դպրոց էլ չի կարող գնալ, ամեն դեպքում երեխաներ են, կարող են մատնացույց անել։ Պետք է նրբորեն մոտենալ այս խնդրին»,- նշեց Ոստիկանության ներկայացուցիչը։
Անդրադառնալով Գյումրիի դեպքին՝ ԱԺ «Լուսավոր Հայաստան» խմբակցության պատգամավոր Անի Սամսոնյանը հավելեց, որ պետք է մտածենք՝ ի՞նչ կզգա երեխան, երբ գիտակցության գալով՝ կարդա ողջ քննարկումները:
«Հիմա պատկերացրեք՝ երեխան գիտակցության գա և տեսնի՝ ինչ է կատարվում սոցիալական հարթակներում, իր մոր մասին ինչեր են քննարկվում։ Արդյո՞ք սա ի շահ երեխայի է, մենք բոլորս պետք է շատ պատասխանատվությամբ մոտենանք մարդու անձնական կյանքին, նրա հոգեկան, ֆիզիկական, բարոյական անձեռնմխելիությանը»,- նշեց պատգամավորը։
Հիշեցնենք, որ մարտի 5-ին «Գյումրու շտապ բուժօգնության կայան» ՓԲ ահազանգեր են ստացվել այն մասին, որ քաղաքի Պռոշյան փողոցի տներից մեկում մահացել է նույն տան 42-ամյա բնակչուհին, իսկ նրա 12-ամյա դուստրը՝ «տրավմատիկ շոկ, գանգուղեղային փակ վնասվածք» ախտորոշմամբ, տեղափոխվել է բուժօգնության:
Մանրամասները՝ տեսանյութում:
