17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ռուսական բազայի հրամանատարությունը շարունակում է խոչընդոտել արդարադատության իրականացմանը. ՀՔԱՎ
Հասարակություն
09.03.2020 | 12:46
ՀՔԱ Վանաձորի գրասենյակից տեղեկացնում են, որ 2020 թվականի մարտի 6-ին Շիրակի մարզի ընդհանուր իրավասության դատարանում Ջուլիետա Ղուկասյանի գործով հերթական դատական նիստն էր: 6-րդ անգամ նիստը հետաձգվել է։
«Ամբաստանյալ, ռուսական ռազմաբազայի զինծառայող Ա. Ռազգիլդեևին դարձյալ դատարան չէին բերել: Ռազմաբազայի հրամանատար Մարտինյուկը գրությամբ կրկին դատարանին տեղեկացրել էր, որ նախորդ՝ 2020 թվականի փետրվարի 4-ի նիստում արտահայտած դիրքորոշումն անփոփոխ է. իրենք Հայաստանից շարունակում են պահանջել անվտանգության գրավոր երաշխիքներ: Ի դեպ, նիստի չէր եկել նաև մեղադրող դատախազ Վ. Միրզոյանը։
Տուժողի իրավահաջորդ Անահիտ Ղուկասյանի ներկայացուցիչ, ՀՔԱ Վանաձորի գրասենյակի փաստաբան Հայկ Հակոբյանը կարծիք է հայտնում, որ ռուսական կողմը, դատարան չներկայացնելով զինծառայողին, խոչընդոտում է արդարադատության ապահովմանը: Նա միջնորդություն է ներկայացրել դատարանին՝ ձեռնարկելու միջոցներ, որ այսուհետ բացառվեն այս քրեական գործի շրջանակներում արդարադատության իրականացմանը խոչընդոտող հանգամանքները, այն է՝ ռազմաբազայի կողմից ամբաստանյալին դատարան չներկայացնելը։
ՀՔԱ Վանաձորի գրասենյակն այս առնչությամբ նաև հաղորդում է ներկայացրել ՀՀ գլխավոր դատախազություն՝ պնդելով, որ ամբաստանյալին դատարան չներկայացնելը հանցագործություն է։
Ավելին՝ ԱՅՍՏԵՂ»,- ասված է ՀՔԱՎ-ի տարածած հաղորդագրությունում:
