14.12.2024 | 19:57
Ինչ իրավիճակ է ճանապարհներին 19։35-ի դրությամբ
Արդարադատության փոխնախարար Քրիստիննե Գրիգորյանն ընդունել է ԵԱՀԿ/ԺՀՄԻԳ պատվիրակությանը
Հասարակություն
06.03.2020 | 23:02
Արդարադատության նախարարի տեղակալ Քրիստիննե Գրիգորյանն այսօր ընդունել է ԵԱՀԿ/ԺՀՄԻԳ պատվիրակությանը: Հանդիպման ընթացքում կողմերը քննարկել են օրինաստեղծ գործընթացներին առնչվող մի շարք հարցեր: Այս մասին տեղեկացնում է ԱՆ լրատվական ծառայուէյունը։
«Պատվիրակության այցի նպատակն էր գնահատել օրենսդրական նախաձեռնությունների շրջանակում օրենսդիր և գործադիր իշխանությունների համագործակցության ընթացքում առաջացող կարիքները և նպաստել այդ գործընթացում շահագրգիռ կողմերի կարողությունների զարգացմանը:
Փոխնախարարը ողջույնի խոսքում կարևորել է միջազգային գործընկերների հետ համագործակցության միջոցով օրենսդրական մշակումների գործընթացի զարգացումն ու կատարելագործումը՝ դրանք առավել թափանցիկ և ներառական դարձնելով:
Քրիստիննե Գրիգորյանը պատվիրակության անդամներին ներկայացրել է օրինաստեղծ գործընթացի ամբողջական շղթան՝ ընդգծելով, որ գործող Խորհրդարանի կողմից զգալիորեն ավելացել են օրենսդրական նախաձռնությունները, որի համատեքստում օրենդիր և գործադիր սահուն համագործակցությունը խթանելու համար կարևորել է Խորհրդարանի ինստիտուցիոնալ կարողությունների զարգացումը: Փոխնախարարը կարևորել է նաև Խորհրդարանում օրենսդրական նախաձեռնությունների աշխատանքային խմբերի ձևավորման, օրենսդրական պլանավորման սկզբունքների, ինչպես նաև տարբեր կոմիտեների ու խմբակցությունների միջև աշխատանքների համակարգումը:
Պատասխանելով պատվիրակության անդամների հարցերին՝ Քրիստիննե Գիրգորյանն անդրադարձել է հանրության համար Կառավարության օրենսդրական նախագծերի հասանելիությանը հանրային քննարկման էլեկտրոնային հարթակի միջոցով, ինչպես նաև ներկայացրել տարբեր գերատեչությունների օրինաստեղծ նախաձեռնությունների տրամաբանությունը՝ նկարագրելով ոլորտային ռազմավարական պլանավորման գործընթացը, որի շրջանակում էլ նախանշվում են գերատեսչությունների օրենսդրական նախագծերի բովանդակությունները հաջորդող ժամանակահատվածում:
Ամփոփելով հանդիպումը՝ կողմերը շարունակական համագործակցության պատրաստակամություն են հայտնել»,- ասված է հաղորդագրությունում:
