30.08.2026 | 23:44
Վաղարշապատում կինը դանակահարել է 43-ամյա տղամարդուն․ նա մահացել է. ՆԳՆ
Ծաղկաձորում խուճապային տրամադրություններն անցել են. Վաղարշակ Հակոբյանը՝ հյուրանոցները լքելու մասին. ՏԵՍԱՆՅՈՒԹ
Հասարակություն
06.03.2020 | 13:11
ԱԺ «Իմ քայլը» խմբակցության պատգամավոր Վաղարշակ Հակոբյանն այսօր լրագրողների հետ ճեպազրույցում անդրադարձավ Ծաղկաձորում առկա իրավիճակին՝ կապված մի քանի անձանց այնտեղ կարանտինի մեջ պահելու հարցի հետ:
«Ծաղկաձորում խուճապային տրամադրություններն անցել են, այժմ ոչ մի խնդիր չկա»,- շեշտեց պատգամավորը:
Ինչ վերաբերում է հյուրանոցներին, նա նշեց, որ ընդհանուր իրավիճակը նորմալ է: Հակոբյանը տեղեկացրեց, որ տնտեսվարողների, հյուրանոցների սեփականատերերի և տնօրենների հետ զրուցել է և կարող է ասել, որ խնդիր չկա:
Նրա պնդմամբ՝ Հայաստանը մինիմալ կորուստներով է դուրս գալիս կորոնավիրուսի պատճառով ստեղծված իրավիճակից՝ արագ և օպերատիվ արձագանքման շնորհիվ:
Հարցին, թե ինչո՞ւ ընտրվեց հենց Ծաղկաձորի «Գոլդեն փելիս» հյուրանոցը՝ որպես կարանտինի մեջ գտնվող մարդկանց մեկուսացնելու վայր, չէ որ այն զբոսաշրջիկների համար գրավիչ վայր է, Հակոբյանն ասաց. «Սա գրեթե միակ պետական օբյեկտն է, որն ուներ համապատասխան հնարավորություններ և տեղակայված է բնակչությունից հարմար հեռավորության վրա: Իհարկե, կարելի էր այլ տարբերակներ էլ քննարկել, բայց կառավարության մեր գործընկերները հանգել են այդ տարբերակին»:
Մանրամասները՝ տեսանյութում:
Մերի Մարտիրոսյան
