28.03.2026 | 23:47
ՔՊ քվեարկություն․ առաջատար 10-յակը և ամենաքիչ ձայներ հավաքած թեկնածուն
Եթե Սերժ Սարգսյանը չվերադառնա, ինչպես՝ Միհրան Պողոսյանն ու Սամվել Մայրապետյանը, դատավորը պատասխանատվություն կրելո՞ւ է․ Ստյոպա Սաֆարյան. ՏԵՍԱՆՅՈՒԹ
Քաղաքականություն
05.03.2020 | 20:04
ՀՀ երրորդ նախագահ Սերժ Սարգսյանը, որ կոռուպցիոն գործով մեղադրյալ է, ըստ ՀՀԿ փոխնախագահ Արմեն Աշոտյանի, աշխատանքային այցով Բելգիայում է, ավելին՝ հանդիպում է ունեցել Եվրոպայի ժողովրդական կուսակցության նախագահ Դոնալդ Տուսկի հետ:
«Անդրադարձ է կատարվել իրական ժողովրդավարության համար պոպուլիզմի վտանգներին»,- հայտնի է դառնում ՀՀԿ հայտարարությունից։
Factor.am-ին հայտնի է դարձել, որ ամբաստանյալի աթոռին հայտնված Սերժ Սարգսյանին դատարանն է թույլատրել հեռանալ երկրից։
Հանրային խորհրդի նախագահ, քաղաքագետ Ստյոպա Սաֆարյանը Factor TV-ի հարցազրույցում հարց է բարձրացնում՝ դատավորը պատասխանատվություն կրելո՞ւ է, որ Սերժ Սարգսյանը չվերադառնա, ինչպես չեն վերադարձել Սամվել Մայրապետյանը, Միհրան Պողոսյանը:
«Ճիշտն ասած, ես գիտեմ, որ որոշ դեպքերում քրեական գործերով անցնող անձանց վերաբերյալ նախաքննական մարմինը թույլտվություն է տալիս, բայց ինձ հայտնի չէ, որ դատարանը կարող է նման որոշումներ կայացնել, և ես ակնկալում եմ դատարանի բացատրությունները այս կապակցությամբ և ինչու է վստահ, որ Սերժ Սարգսյանը չի խուսափելու պատասխանատվությունից այնպես, ինչպես հայտնի մի քանի դեպքերում»,- ասաց Հանրային խորհրդի նախագահ, քաղաքագետ Ստյոպա Սաֆարյանը։
Մանրամասները՝ տեսանյութում:
Ռոբերտ Անանյան
