09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Վարչապետը նպատակ ունի ապագայում ապահովել միջինում 5 տոկոսանոց տնտեսական աճ
Տնտեսություն
30.10.2017 | 11:04
Կառավարության 2017-2022 թվականների ծրագրերի նպատակադրումները հաշվի առնելով՝ 2018 թվականի բյուջեում հարկաբյուջետահին քաղաքականության մեջ փոփոխություններ են նախատեսել: Այս մասին այսօր ԱԺ մշտական հանձնաժողովների համատեղ նիստում «ՀՀ 2018 թ. պետական բյուջեի մասին» ՀՀ օրենքի նախագծի քննարկման մեկնարկին հայտարարեց ՀՀ վարչապետ Կարեն Կարապետյանը:
«Մինաժամկետ հորիզոնում, չնայած հարկաբյուջետային քաղաքականությունը շարունակելու է սահմանափակված մնալ պարտքի կայունացման ապահովման անհրաժեշտությամբ, այնուամենայնիվ, հարկաբյուջետային քաղաքականությունն իրականացվելու է ծախսային կառուցվածքի վերանայմամբ: Առավել շեշտադրելով կապիտալ ծախսերի իրականացման անհրաժեշտությունը՝ տնտեսական աճի կայուն հիմքերի ապահովման հարցում»,- հայտնեց Կառավարության ղեկավարը:
Կարապետյանն ասաց՝ չի ցանկանում փաստաթղթի մանրամասներին անդրադառնալ, բայց մի քանի դրույթների այդուհանդերձ որոշեց անդրադառնալ: «Վերջին մի քանի տարիներին Հայաստանի տնտեսությունը բնութագրվում է արտաքին աշխարհից ներթափանցող բացասական ցնցումներով, որի արդյունքում գրանցվել է տնտեսական աճի ցածր մակարդակ և աստիճանաբար նվազել է տնտեսական աճի ներուժը: Ընթացիկ զարգացումները չնայած հուսադրող են, սակայն տնտեսական աճի հիմքերը բավարար ամուր չեն՝ երկարաժամկետ աճ ունենալու համար»,- ասաց գործադիրի ղեկավարը:
Ներկայացնելով 2018 թվականի բյուջետային շրջանակը, Կարապետյանը վստահեցրեց՝ ծրագրել են այնպիսի հարկաբյուջետային քաղաքականություն, որը կկանխորոշի հետագա տնտեսական զարգացումների մեկնարկը: «Առաջարկվող հարկաբյուջետային քաղաքականությունը հիմքեր կստեղծի ապագայում ապահովել միջինում 5 տոկոսանոց տնտեսական աճ, ինչն էլ հնարավորություն կտա ավելի արդյունավետ լուծել մեր առջև ծառացած խնդիրները թե՛ կայուն զարգացման առումով, թե՛ սոցիալական բնույթի: Նշված ցուցանիշին հասնելու համար մեծ ջանքեր են անհրաժեշտ: Պետական բյուջեի ծախսային քաղաքականությունը հիմնված է լինելու հստակ կանոնների վրա, որի առանցքում դրվել են ինչպես տնտեսական աճը երկրի անվտանգությունը, այնպես էլ սոցիալական նպատակայնությունը: Նշված քաղաքականությունը կապահովի երկրի գրավչության աստիճանի բարձրացումը՝ ձևավորելով կայուն երկարաժամկետ անվտանգ զարգացման ամուր հիմք: Եկամտային քաղաքականությունը լինելու է հավասարակշռված՝ թե՛ ստվերային տնտեսության կրճատման և թե՛ գործարար միջավայրի բարելավման տեսանկյունից»,- հավելեց Կարեն Կարապետյանը՝ հույս հայտնելով, որ քննարկումների արդյունքում կունենան երկրի և քաղաքացիների շահերը լավագույնս արտահայտող և տնտեսության զարգացման ծրագրերի ընթացքն ապահովող բյուջե 2018 թվականի համար:
Մանրամասները՝ տեսանյութում:
