19.04.2026 | 21:12
Երևան-Գյումրի ավտոերթին մասնակցել է 1230 մեքենա. ԻՔՄ
2021-ին Երևանում Ադրբեջանից բռնագաղթվածների բնակարանների հարցը ամբողջությամբ կլուծվի․ Պապիկյան. ՏԵՍԱՆՅՈՒԹ
Հասարակություն
04.03.2020 | 18:15
Այսօր մեկնարկեց դեռևս նախորդ տարվա նոյեմբերին Կառավարության ընդունած մի որոշման իրականացումը, ըստ որի՝ լուծվելու է Երևանում բնակվող և 30 տարի Ադրբեջանից բռնագաղթված ու անօթևան մնացած քաղաքացիների՝ սեփական տանիք ունենալու հարցը: ԱԺ-ում Կառավարության հետ հարցուպատասխանի ժամանակ այս մասին նշեց ՀՀ տարածքային կառավարման և ենթակառուցվածքների նախարար Սուրեն Պապիկյանը:
«Կառավարության այդ որոշմամբ 112 շահառուներ պետք է բնակարանների գնման վկայագրեր ստանան: Դա լինելու է փուլերով, խոսքը Կառավարության կողմից տրամադրված 1.5 մլրդ դրամական միջոցների մասին է: Բայց առաջ անցնեմ և ասեն, որ արդեն 2020թ. բյուջեով մենք նախատեսեցինք 2.1 մլրդ դրամ գումար, որով պիտի ԲԳՎ-ներ ստանան 185 շահառուներ»,- ասաց նախարարը:
Պապիկյանի խոսքով՝ սա շարունակական պրոցես է լինելու, և ենթադրվում է, որ արդեն 2021 թվականին Երևան քաղաքի՝ Ադրբեջանից բռնագաղթած անօթևան մնացած քաղաքացիների բնակարանների հարցը ամբողջությամբ կլուծվի:
Մանրամասները՝ տեսանյութում:
