04.08.2026 | 17:32
Կոնջորյանի ընտրվելու լուրը նախ հայտնեց ՔՊ-ի ֆեյսբուքի էջը, հետո նոր ԱԺ հաշվիչ հանձնախմբի նախագահը
Ինձնից ի՞նչ եք ուզում, ես հանձնարարել եմ իրավապահ մարմիններին, որ պարզեն էդ հարցը․ Նիկոլ Փաշինյան. ՏԵՍԱՆՅՈՒԹ
Քաղաքականություն
04.03.2020 | 17:43
Վարչապետ Նիկոլ Փաշինյանն այսօր ԱԺ-Կառավարություն հարցուպատասխանի ժամանակ ասաց, թե հակակոռուպցիոն պայքարի իր նվիրվածությունը 100 տոկոս է: Արձագանքելով Փաշինյանին՝ Էդմոն Մարուքյանը համաձայնեց, որ բոլորը պետք է լինեն թափանցիկ և ստորագրում է այդ խոսքերի տակ:
«Բայց հարցը նրա մասին է, որ եթե տիկին Թանդիլյանը ծրարով փող ստանար, պետք է ձեզանից ստանար, նախկին իշխանության ներկայացուցիչները, եթե ծրարով փող էին ստանում, Սերժ Սարգսյանից պետք է ստանային»,- ասաց նա և նշեց, որ սա քաղաքական հարց է:
Վարչապետը վստահեցրեց, որ ներկա նախարարներից ընդհանրապես ոչ մեկ ծրարով փող չի ստացել: «Ով է ասել, որ ես պետք է տայի այդ փողը: Հիմա եթե ինձ եք չորս անգամ հարցնում, հերթագրվեք, իրենց հարցրեք: Ինձնից ի՞նչ եք ուզում»,-ասաց նա և նշեց, որ հանձնարարում է իրավապահ մարմիններին, որ պարզեն այդ հարցը:
Մանրամասները՝ տեսանյութում։
