17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
«Տոկիո – 2020» – ի ջահի փոխանցավազքի հանձնաժողովը կորոնավիուսի տարածման հետ կապված որոշում է կայացրել
04.03.2020 | 13:54
«Տոկիո – 2020» – ի ջահի փոխանցավազքի հանձնաժողովը մարտի 12-ին Հունաստանում նախատեսված արարողությանն առնչվող միջոցառումների փաթեթ է մշակել ` կապված կորոնավիուսի տարածման հետ: Որոշվել է կրճատել Ճապոնիայի պատվիրակության կազմը : Չափվելու է «Տոկիո – 2020» փոխանցավազքի մասնակիցների ջերմությունը: Իրավիճակից կախված, ընթացակարգերը հնարավոր է ենթարկվեն փոփոխության: Արարողությունների ժամանակ կսահմանափակվի հանդիսականների մուտքը: Կոչ է արվել զսպվածություն ցուցաբերել վազորդներին ողջունելիս: Ստուգվելու են ոչ միայն բուն միջոցառման մասնակիցները, այլև այդ գործում ներգրավված բոլոր աշխատակիցները: Վատառողջներին խորհուրդ է տրվում հրաժարվել փոխանցավազքից:
Ավելի վաղ հաղորդվել էր, որ Հունաստանում օլիմպիական կրակի բոցավառման արարողությունը, ինչպես նաև ջահի փոխանցավազքը կանցկացվի սովորականի նման: Միևնույն ժամանակ միջոցներ կձեռնարկվեն վարակը չտարածելու համար:
Արարողության գլխավոր փորձը տեղի կունենա առանց հանդիսականների:
