12.12.2024 | 14:42
Գյումրիում ՔՊ-ն ցածր վարկանիշ չունի, 2021-ի ընտրությունները բարձր վարկանիշի մասին էին. Խուդաթյան․ ՏԵՍԱՆՅՈՒԹ
Մարդու երիկամները չեն գործում, դատարանը մերժել է պատժից ազատել․ Նաիրա Զոհրաբյան. ՏԵՍԱՆՅՈՒԹ
Հասարակություն
04.03.2020 | 11:56
ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանի համար դատական համակարգի գլխավոր խնդիրներից է մնում դատավորների գերծանրաբեռնվածության հարցը։ «Դատական օրենսգիրք» սահմանադրական օրենքում փոփոխություններ կատարելու փաթեթի առաջին ընթերցմամբ քննարկման ժամանակ պատգամավորը դիմեց իշխանության ներկայացուցիչներին՝ նշելով, թե պետք է հասկանալ՝ այս խնդիրն ինչպես է լուծվելու։
Զոհրաբյանն անդրադարձավ նաև դատապարտյալների հիվանդանոցում գտնվող անձանց խնդիրներին:
«Այս պահին դատապարտյալների հիվանդանոցում է գտնվում Արթուր Մեխակի Շահինյանը: Երկու երիկամները չեն գործում, և նրան երկու-երեք օրը մեկ տեղափոխում են դիալիզի։ Միջգերատեսչական հանձնաժողովը որոշել է, որ հիվանդությունը անհամատեղելի է նրա պատիժը կրելու հետ, բայց դատարանը կրկին մերժել է պատժից ազատել»,- ներկայացրեց պատգամավորը՝ ընդգծելով, որ սա նույնպես լրջագույն խնդիր է ու պետք է աշխատել այս մարդկանց խնդիրները լուծելու ուղղությամբ։
«Մի մասի մեջ այնքան է գրաքննությունը նստած, որ վախենում են՝ հանկարծ իրեն չմեղադրեն հովանավորչության կամ կոռուպցիայի մեջ»,- հայտարարեց Զոհրաբյանը:
Մանրամասները՝ տեսանյութում:
