20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
«1-ին, 2-րդ, 3-րդ կարգի փոխարեն ունենալու ենք, թույլ, միջին և ծանր հաշմանդամության կարգեր»․ Գեմաֆին Գասպարյան. ՏԵՍԱՆՅՈՒԹ
Հասարակություն
03.03.2020 | 15:43
«Ունենալու ենք հաշմանդամության ոչ թե առաջին, երկրորդ, երրորդ կարգ ունեցող անձինք, այլ թույլ, միջին, ծանր և խորը ֆունկցիոնալ սահմանափակում ունեցող։ Սա ենթադրում է, որ մեր յուրաքանչյուր քաղաքացու փորձելու ենք մաքսիմում օժադակել՝ ծառայությունների միջոցով, որպեսզի հաղթահարեն իրենց ֆունկցիոնալ սահմանափակումները»,- «Ինչպե՞ս են պաշտպանվելու հաշմանդամություն ունեցող անձանց իրավունքները. նոր օրենքի նախագիծ» թեմայով քննարկմանը նշեց ՀՀ աշխատանքի և սոցիալական հարցերի փոխնախարար Գեմաֆին Գասպարյանը:
«Վստահ եմ՝ այս ներառական մոտեցումը շատ կարևոր է, որ հնարավորինս ամբողջական դիտարկենք բոլոր կարծիքները և բաց չթողնենք որևէ խնդիր։
«Հաշմանդամություն ունեցող անձանց իրավունքների մասին» օրենքի նախագծում տալիս ենք տարբեր հասկացությունների ձևափոխումներ․ օրինակ՝ անձնական օգնականի ինստիտուտի, ունիվեսալ դիզայնի, անկախ կյանքի և խելամիտ հարմարեցման վերաբերյալ հասկացությունները։ Այս օրենքով նաև Մատչելիության հանձնաժողով ենք նախատեսում, որի անդամները Ազգային ժողովի կողմից 6 տարի ժամկետով են ընտրվելու և ապահովելու մատչելիության վերաբերյալ մոնիթորինգը։ Նրանք ունենալու են այնպիսի գործառույթներ, որ մատչելիության հետ կապված հիմնախնդիրները կարողանանք հնարավորինս կարճ ժամկետում լուծել»,- ասաց Աշխատանքի և սոցիալական հարցերի փոխնախարարը։
Նրա խոսքով՝ փոփոխություններ են նախատեսում նաև «Անձի ֆունկցիոնալ գնահատման մասին» օրենքում․ «Ելնելով մեր քաղաքականությունից և սկզբունքներից, «Անձի ֆունկցիոնալ գնահատման մասին» օրենքի նախագիծը մեզ թույլ է տալու՝ ունենալ հաշմանդամություն ունեցող անձանց կարիքների գնահատման նոր համակարգ, որն իրականացվելու է բազմամասնագիտական խմբի կողմից։ Ռեեստրն արդեն ձևավորվում է և այնտեղ ընդգրկված մասնագետները, վերապատրաստվելով, մյուս տարվանից կանցնեն աշխատանքի։ Այն լինելու է ոչ թե հիմնական հանձնաժողով, այլ մասնագետները պատահականության սկզբունքով ընտրվելու են, որպեսզի իրականացնեն գնահատման գործընթացը»։
Մանրամասները՝ տեսանյութում։
Նելլի Մելքոնյան
