03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
«Տուգանքների փոփոխություն է եղել՝ առանց փոխադարձ համաձայնության». ավտոներկրող. ՏԵՍԱՆՅՈՒԹ
Հասարակություն
03.03.2020 | 12:11
Մեր ավտոներկրողները ՀՀ-ին բազմամիլիոնանոց օգուտ են բերել՝ ավտոմաքսատուրքերի տեսքով, և պետությունը ձեռքերը լվացել ու մի կողմ է քաշվել՝ լավատեղյակ լինելով այն խնդրին, որ Վրաստանի տարածքում գործող և ՀՀ-ում ներկայացուցչություն ունեցող «Կովկաս Ավտոիմպորտ» ընկերությունը չի վճարում ապահովագրական հատուցումները. այս մասին այսօր՝ ՀՀ-ում Վրաստանի դեսպանատան դիմաց բողոքի ակցիայի ընթացքում նշեց Հայաստանում ավտովարորդների պաշտպանության լիգայի փոխնախագահ Գևորգ Հովհաննիսյանը։
«Տուգանքների փոփոխություն է եղել՝ առանց փոխադարձ համաձայնության։ Այսինքն՝ պայմանագրով սահմանվել է մի պայման, մի ամիս հետո զգացել են, որ ինտենսիվությունն ավելանում է, փոխել են պայմանը՝ հօգուտ իրենց։ Ցանկություն չկա՝ հարցը տեղափոխել դատական հարթություն, որովհետև միջազգային դատական ատյաններում ոչ մեկին չեն ասի՝ ապրեք, լավ եք արել»,- ասաց ավտոներկրողը։
Մանրամասները՝ տեսանյութում։
Նելլի Մելքոնյան
