10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
15 երեխայի հայր լինելն էլ պակաս հերոսություն չի․ Արարատ Միրզոյան. ՏԵՍԱՆՅՈՒԹ
Հասարակություն
03.03.2020 | 11:05
ԱԺ-ն քննարկում է Կառավարության կողմից ներկայացված ՀՀ պետական պարգևների և պատվավոր կոչումների մասին օրենքում լրացում կատարելու մասին օրենքի նախագիծը՝ առաջին ընթերցմամբ:
«Նախագծով առաջարկվում է ծնողական փառքի մեդալով պարգևատրված անձանց հատկացնել ամենամսյա պարգևավճար։ Այս պահին մենք ունենք 9 ընտանիք, որոնք ստացել են ծնողական փառքի մեդալ։ Հիմնական պայմաններն են՝ 6 և ավելի երեխաների առկայութունը, ինչպես նաև ընտանիքի մասին դրական ձևավորված կարծիքը»,- ներկայացրեց աշխատանքի և սոցիալական հարցերի փոխնախարար Արման Ուդումյանը։
«Բարգավաճ Հայաստան» խմբակցության պատգամավոր Սերգեյ Բագրատյանի հարցին՝ կոնկրետ ո՞ւմ է տրվելու մեդալը, Ուդումյանը պատասխանեց. «Մեդալը ստացած անձը մայրն է կամ հայրը, նայած՝ ում են առաջադրում, հիմնականում մայրն է»։
«Համաձայնեք, պարոն Ուդումյան, 15 երեխայի հայր լինելն էլ պակաս հերոսություն չէ»,- արձագանքեց ԱԺ նախագահ Արարատ Միրզոյանը։
Մանրամասները՝ տեսանյութում:
