02.02.2026 | 15:55
Կրեմլը հայտարարել է, որ Պուտինի և Զելենսկիի միջև շփումները հնարավոր են միայն Մոսկվայում
Պետք չէ լուրջ վերաբերվել հոկտեմբերի 27-ի՝ կազմակերպված լինելու պնդումներին, եթե ինչ-որ բան լիներ՝ 18 տարում կբացահայտվեր. Սուրիկ Խաչատրյան
27.10.2017 | 16:21
Այսօր առավոտյան Սյունիքի նախկին մարզպետ Սուրիկ Խաչատրյանին հանդիպեցինք Նորքի Սուրբ Մարիամ Աստվածածին եկեղեցու բակում։ Նա եկել էր հարգելու հոկտեմբերի 27-ին սպանված իր զինակից և ընկեր Արմենակ Արմենակյանի հիշատակը։
«Բառերով բացատրել հնարավոր չի, թե դա ինչ մեծ ցավ էր», – ասաց նախկին մարզպետը factor.am-ին։
Հարցին, թե արդյոք նա իր համար փակել է հոկտեմբերի 27-ի էջը, չի գտնում, որ նոր քննություն է հարկավոր, Սուրիկ Խաչատրյանը պատասխանեց․ « Չեմ կարծում, որ հետագայում քննություն պետք է լինի։ Դեպքը պարզ է բոլորի համար, մարդիկ, ովքեր ներխուժեցին Ազգային ժողովի դահլիճ, իրենց նախաձեռնությամբ են արել դա։ Ես վստահ եմ, որ ամեն ինչ բացահայտված է։ Երբ որ մեկը վթարի է ենթարկվում, էլի հետևից խոսում են, որ դա ինչ-որ մեկի կազմակերպածն է։ Պետք չի դրան լուրջ վերաբերվել։ 18 տարում եթե ինչ-որ բան լիներ, հիմա կբացահայտվեր։ 50, 100 տարի էլ անցնի, այդ խոսակցությունները էլի լինելու են։ Ցավն այն է, որ սպարապետասպան ժողովուրդ ենք»։
