02.07.2026 | 18:18
Եգիպտոսի նախագահը շնորհավորել է վարչապետ Փաշինյանին ընտրություններում հաղթանակի առիթով
Ես չգիտեմ՝ ինչից ենք մենք տուժելու․ ՄԻԱՎ-ով ապրող քաղաքացու հարցը՝ նախարարության ներկայացուցչին. ՏԵՍԱՆՅՈՒԹ
Հասարակություն
02.03.2020 | 15:46
ՁԻԱՀ-ի կանխարգելման կենտրոնի և «ՆՈՐՔ» ինֆեկցիոն հիվանդանոցի միավորման թեմայով Ազգային ժողովում կազմակերպված քննարկման ժամանակ ՄԻԱՎ վարակակիր քաղաքացին հարց ուղղեց Առողջապահության նախարարության ներկայացուցչին՝ արդյո՞ք հասարակությունը պատրաստ է մեկ տեղում բժշկական ծառայություններ ստանալ ՄԻԱՎ վարակակիր քաղաքացիների հետ։
«Արդյո՞ք մեր հասարակությունը բավականին իրազեկված է, որպեսզի մեկ տեղում սովորական մարդիկ օգտվեն նույն ամեն ինչից, ինչից մենք՝ ՄԻԱՎ-ով ապրող մարդիկ։ Մենք գիտենք հասարակության խտրական բարձր մակարդակը մեր հանդեպ»,- ասաց Արման Ավչյանը։
Ի պատասխան՝ Առողջապահության նախարարության աշխատակազմի ղեկավար Լուսինե Քոչարյանն ընդգծեց, որ անկախ ամեն ինչից՝ ՄԻԱՎ-ով վարակակիր քաղաքացին պետք է կարողանա բուժում ստանալ բոլոր հիվանդանոցներում։
«Այսպես թե այնպես, ՄԻԱՎ-ով ապրող մարդը բոլոր հիվանդանոցներում պետք է առանց խոչընդոտի ստանա բուժում։ Այդ դեպքում ինչի՞ համար անունը դնել ՁԻԱՀ-ի կանխարգելման կենտրոն, ի՞նչն է խնդիրը միավորման, ընդամենը հաշվապահությունն է միավորվելու, ծառայություները բոլորը ստանալու են, շենքը չի շարժվելու, մնալու է նույն տեղում։ Ուզում ենք հասկանալ՝ ո՞րն է խնդիրը, ինչի՞ց եք դուք տուժելու»,- ասաց Քոչարյանը։
Մանրամասները՝ տեսանյութում:
