30.08.2026 | 23:44
Վաղարշապատում կինը դանակահարել է 43-ամյա տղամարդուն․ նա մահացել է. ՆԳՆ
«Սա չի բխում անվճար իրավաբանական օգնության ինստիտուտի էությունից»․ արդարադատության փոխնախարար. ՏԵՍԱՆՅՈՒԹ
Հասարակություն
02.03.2020 | 14:27
Մարդու իրավունքների պաշտպանության և հանրային հարցերի խորհրդարանական հանձնաժողովում Փաստաբանության մասին ՀՀ օրենքում լրացում կատարելու մասին օրենքի նախագծի քննարկման ժամանակ Կառավարության ներկայացուցիչ Վահե Դանիելյանը նշեց, որ ներկայացվող առաջարկն առհասարակ չի բխում անվճար իրավաբանական օգնության ինստիտուտի էությունից: Նշենք, որ նախագծով, մասնավորապես, առաջարկվում է հանրային պաշտպանի ծառայություն տրամադրել նաև մինչև 24 մլն դրամի շրջանառություն ունեցող փոքր բիզնեսին։
«Այդ ծառայությունից օգտվողների մեջ ներառված են առաջին և երկրորդ խմբի հաշմանդամները, դատապարտյալները, գործազուրկները և այլն։ Սրանք անձինք են, ովքեր ունեն որոշակի խոցելիություն։ Նպատակն այն է, որ այս անձանց տրամադրվի անվճար իրավաբանական օգնություն, որպեսզի արդար դատաքննության իրավունքը լիարժեք իրականացվի յուրաքանչյուրի մասով։ Առհասարակ ձեռնարկատիրական գործունեությունն այս ցանկում ներառելը չի բխում այս ինստիտուտի էությունից։ Ձեռնարկատիրական գործունեությունն արհեստավարժ, մասնագիտական գործունեություն է, սեփական ռիսկով իրականացվող, որը շահույթ ստանալու նպատակ է հետապնդելու»,- նշեց Դանիելյանը։
2 կողմ, 1 ձեռնպահ և 3 դեմ 3 ձայներով նախագիծը չընդունվեց։
Առաջիկայում ԱԺ լիագումար նիստում կքննարկվի այս օրինագիծը քառօրյայի օրակարգում ներառելու հարցը:
Մանրամասները՝ տեսանյութում:
