02.07.2026 | 16:05
Կալանավորը հացադուլի 51-րդ օրը դադարեցրել է այն․ նրա խափանման միջոց կալանքը փոխվել է
Հանրային պաշտպանի ծառայություն՝ փոքր բիզնեսին․ ԱԺ հանձնաժողովը քննարկում է. ՏԵՍԱՆՅՈՒԹ
Տնտեսություն
02.03.2020 | 12:48
Մարդու իրավունքների պաշտպանության և հանրային հարցերի հանձնաժողովը քննարկում է Փաստաբանության մասին ՀՀ օրենքում լրացում կատարելու օրենքի նախագիծը։ Դրանով, մասնավորապես, առաջարկվում է հանրային պաշտպանի ծառայություն տրամադրել նաև մինչև 24 մլն դրամի շրջանառություն ունեցող փոքր բիզնեսին։
«Տնտեսական գործունեություն ծավալելու ընթացքում հաճախ ունենում ենք խնդիրներ ներքին օրենքների չիմացության իմաստով։ Հատկապես շատ էին դիմումները ԵՏՄ-ից, և որպեսզի կարողանանք օգտակար լինել, որոշեցինք նման ձևակերպում անել։ Շեմը դարձվեց 24 մլն, այսինքն՝ միկրոբիզնեսի, ընտանեկան բիզնեսի դեպքում կարևորում ենք մեր համաքաղաքացիների շահերի սպասարկումը։ Պատկերացրեք՝ 24 մլն շրջանառություն ունեցող ընտանեկան բիզնեսը, որը ամիսը 2 մլն-ի շրջանառություն ունի, ունենում է ամիսը ոչ ավելի, քան 200 հազար եկամուտ, երբ որևէ հարց են ունենում դատարանում, իրենք պիտի միջինը 300-400 հազարի շրջանակում վճարեն փաստաբաններին։ Հետևաբար, մենք մեր առջև խնդիր ենք դրել, որ հանրային պաշտպանների թիվը եթե չի բավարարում, ավելացնել, և կարողանալ սպասարկել նաև այս խմբի շահերը»,- ներկայացրեց «Բարգավաճ Հայաստան» խմբակցության պատգամավոր Սերգեյ Բագրատյանը։
Նա նշեց, որ նախնական տարբերակից հետո օրենքի նախագծում էական փոփոխություններ են արվել։
Մանրամասները՝ տեսանյութում:
