30.08.2026 | 23:44
Վաղարշապատում կինը դանակահարել է 43-ամյա տղամարդուն․ նա մահացել է. ՆԳՆ
32 անձինք, որոնք մեկուսացվել են, դեռ չի նշանակում, որ վարակել են մյուսներին. նախարար. ՏԵՍԱՆՅՈՒԹ
Հասարակություն
01.03.2020 | 12:49
Հայաստանում կորոնավիրուսի կասկածով պայմանավորված 32 մարդ մեկուսացվել է. այս մասին մարտի 1-ին հրավիրված մամուլի ասուլիսի ընթացքում ասաց ՀՀ առողջապահության նախարար Արսեն Թորոսյանը՝ ներկայացնելով Հայաստանում կորոնավիրուսով հիվանդացության հաստատված առաջին դեպքի մանրամասները:
«Թեհրանից Հայաստան եկած ուղևորները օդանավակայանից դուրս են եկել առանձին ուղիով: Եթե ինքնաթիռում հայտնաբերվում է կորոնավիրուսով հիվանդ, ապա խորհուրդ է տրվում տվյալ անձի նստած տեղից երկու շարք առաջ, և երկու շարք հետ, ինչպես նաև իր շարքի ուղևորներին մեկուսացնել, ինչն էլ անում ենք: Մեկուսացվել է հիվանդին և նրա կնոջը տուն տարած քաղաքացին, որը տաքսու վարորդ չէր: Նույնը վերաբերում է հիվանդանոց գնալուն: Նա տեղափոխվել է շտապ օգնության մեքենայով, անձնակազմը նույնպես մեկուսացվել է: Մենք բոլորին պահում ենք հսկողության տակ: Մեր կողմից իրականացվող հակահամաճարակային միջոցառումները համապատասխանում են բոլոր չափանիշներին: Թերացման մասին խոսելը պարզապես ավելորդ է»,- ասաց նա:
Ապա նախարարը նշեց, որ չնայած մեկուսացվել են 32 անձինք, սակայն դա չի նշանակում, որ նրանք վարակել են մյուսներին:
Մանրամասները՝ տեսանյութում:
