03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Իսրայելում մեկ տարվա ընթացքում կանցկացվեն 3-րդ ընտրությունները
Քաղաքականություն
29.02.2020 | 15:01
Իսրայելում հաջորդ շաբաթ կանցկացվեն մեկ տարվա մեջ երրորդ ընտրությունները՝ հույսով, որ երրորդ փորձից ընտրողները երկիրը դուրս կբերեն քաղաքական փակուղուց: Եվ կրկին ուշադրության կենտրոնում վարչապետ Բենյամին Նեթանյահուի՝ ոմանց կարծիքով բևեռացված գործիչ լինելու հարցն է. գրում է Ամերիկայի ձայնը:
«Նրա կուսակցությունը և իր ճամբարից շատերը նրան տեսնում են որպես գրեթե անփոխարինելի գործիչ, մարդ, ով երկիրը զերծ է պահել տարածաշրջանում տարատեսակ սպառնալիքներից, և որ բացի նրանից գրեթե ոչ մեկին չեն պատկերացնում երկրի ղեկավարի պաշտոնում, որը շուրջ 11 տարի է ղեկավարել երկիրը։ Իսկ մյուս ճամբարում համարում են, որ նա, որպես առաջնորդ, այդ տարիների ընթացքում արդեն անցել է ընդունելի լինելու սահմանները։ Նրանք կենտրոնացել են այն փաստի վրա, որ վարչապետին մեղադրանք է առաջադրված և շուտով դատարանի առաջ կկանգնի կոռուպցիոն տարբեր հոդվածներով: Մեղադրյալներն էլ հենց Նեթանյահուի ճամբարից են»,-ասում է Իսրայելում ԱՄՆ-ի նախկին դեսպան Դան Շափիրոն:
Ինչպես այս տարվա նախորդ երկու ընտրությունները, այս անգամ ևս ո՛չ Նեթանյահուն և նրա «Լիքուդ» կուսակցությունը, և ո՛չ նրա մրցակից Բենի Գանցը կարծես թե չեն կարողանա մեծամասնություն կազմել 120 հոգուց բաղկացած խորհրդարանում:
«Ըստ էության երեք ընտրություններն էլ մեկ անձի պատճառով են: Որովհետև, եթե Նեթանյահուն հեռանա, Գանցը և «Լիքուդ» կուսակցությունը կարող են կոալիցիոն կառավարություն ձևավորել մեկ շաբաթում»,-ասում է Ազագային անվտանգությոան ուսումնասիրությունների ինստիտուտից Յահուդա Բեն Մեյրը:
Թել Ավիվի համալսարանի ուսանողներն ու աշխատակիցները հիասթափված են քաղաքական փակուղուց:
«Մենք խրված ենք մի տեղում, որտեղից չենք կարողանու առաջ շարժվել: Կարծես շրջան լինի, որը երբեք չի ավատվում»,- ասում է թատերական բաժնի ուսանող Ավիշա Նամիրովսկին:
«Իմ ամենամեծ մտահոգությունը «Կապույտ և սպիտակ» դաշինքի ու «Լիքուդ» կուսակցության միջև տարբերությունը չէ: Ես մտահոգված եմ կառավարությունում ճշմարտության և ազնվության խնդրով, կառավարության գործունեությունը չպետք է կոռումպացված լինի»,- ասում է համալսարանի աշխատակից Յիցակ Զիմերմանը:
«Որպես արաբ, ինձ համար ամենակարևորն այստեղ ռասիզմին վերջ տալն է: Այստեղ արաբների նկատմամբ մեծ խտրականություն կա: Ես մարդ եմ, ով չի տարբերվում ոչ մեկից և ուզում եմ, որ ինձ այդպես էլ վերաբերվեն»,-ասում է ապագա բուժքույր Մադլեն Օթմանը:
Այդուհանդերձ հանրությունը կքվեարկի այս ընտրություններին, և Նեթանյահուի ճակատագիրը կորոշվի՝ կախված իրեն ուղղված կոռուպցիոն մեղադրանքների դատավարությունից, որը նախատեսվում է սկսել ընտրություններից երկու շաբաթ հետո:
