Հասարակություն
27.10.2017 | 12:28Ազգային ժողովի «Ծառուկյան» խմբակցության պատգամավոր, նախկին վարչապետ Հովիկ Աբրահամյանի որդի Արգամ Աբրահամյանը հերքում է շրջանառվող տեղեկությունները, որ Հովիկ Աբրահամյանի և Գագիկ Ծառուկյանի հարաբերությունները լարված են:
Խորհրդարանում լրագրողների հետ զրույցում Արգամ Անբրահամյանը չհերքեց նաև մամուլում շրջանառվող լուրերը, որ Հովիկ Աբրահամյանը հանդիպել է նախկին վարչապետ Տիգրան Սարգսյանին: Աբրահամյանն ասաց՝ շատ հնարավոր է՝ հանդիպած լինեն:
Հարցին՝ հնարավո՞ր է Հովիկ Աբրահամյանը կրկին պաշտոն ստանա, պատասխանեց. «Չգիտեմ, ինչի՞ եք ինձ տենց հարցրեր տալիս»:
Ինչ վերաբերում է Արարատի մարզի Արտաշատ համայնքում առաջիկայում սպասվող ընտրություններին, ապա Արգամ Աբրահամյանը նշեց՝ առաջադրված թեկնածուն իրենց համար ընդունելի է:
Նշենք, որ նոյեմբերի 5-ին կայանալիք ՏԻՄ ընտրություններին Արտաշատ համայնքի ղեկավարի պաշտոնի համար առաջադրվել են անկուսակցական Արտակ Սարգսյանը և Հանրապետական կուսակցությունից ՝ Կարեն Բենիամինյանը:
Մանրամասները՝ տեսանյութում
