28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Ճանապարհների կահավորման հետ կապված խնդիրներ կան․ տուգանքը այս պայմաններում արդարացված չէ․ ՄԻՊ. ՏԵՍԱՆՅՈՒԹ
Հասարակություն
27.02.2020 | 16:40
Բալային համակարգի ներդրման գլխավոր խնդիրներից մեկն այն է, որ չիրականացվեցին իրազեկման պատշաճ միջոցառումներ։ Ազգային Ժողովում ճանապարհային երթևեկության խնդիրների վերաբերյալ լսումների ժամանակ նման տեսակետ հայտնեց Մարդու իրավունքների պաշտպան Արման Թաթոյանը:
«Մեր հասարակությունում կա տարերային բնույթ ունեցող տեղեկությունների սփռում, երբ մարդիկ հստակ պատկերացում չունեն, թե ով ինչ խախտման համար կարող է ենթարկվել պատասխանատվության։ Իրազեկման աշխատանքներ… չեմ կարող, իհարկե, ասել՝ ընդհանրապես չեն իրականացվում, բայց դրանք քիչ են, և կարելի է ասել՝ իրականացվում են այս համակարգի ներդրմանը զուգահեռ»,- մանրամասնեց Արման Թաթոյանը։
Նա ևս մեկ խնդիր ներկայացրեց. մեր երկրում առկա են ճանապարհային կահավորման հետ կապված խնդիրներ։
«Կան այնպիսի խախտումներ, որոնց կատարմանը նպաստում են երթևեկության անհրաժեշտ պայմանների բացակայությունը։ Տուգանքն արդարացված չէ այս պայմաններում, որովհետև սա չափազանց բարձր միջամտություն է մարդու իրավունքներին»,- ընդգծեց Մարդու իրավունքների պաշտպանը։
Մանրամասները՝ տեսանյութում:
