14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Իրավական հետևանքներ պետք է ունենա. Արսեն Թորոսյանը՝ ՁԻԱՀ-ի կենտրոնի բողոքող աշխատակիցների մասին. ՏԵՍԱՆՅՈՒԹ
Հասարակություն
27.02.2020 | 14:36
ՄԻԱՎ/ՁԻԱՀ-ի դեմ պայքարի միջոցառումները միտում ունեն միայն զարգացման և ինտեգրման ընդհանուր առողջապահական համակարգ, և որևէ գործող համակարգ չի փակվում, այլ տեղի է ունենում համակարգի տրանսֆորմացիա։ Այս մասին Կառավարության նիստից հետո լրագրողների հետ զրույցում ասաց առողջապահության նախարար Արսեն Թորոսյանն՝ անդրադառնալով ՁԻԱՀ-ի կանխարգելման կենտրոնի աշխատակիցների բողոքի ակցիային։
«Դա կտա ավելի մեծ հասանելիություն՝ ավելի որակյալ ծառայություն մատուցելու համար: Այն, ինչ տեղի է ունենում կոնկրետ կենտրոնի կոնկրետ անձանց հետ, ես չեմ ուզենա շատ մեկնաբանել, որովհետև եղել է լիազոր մարմնի հրաման՝ փոխելու տնօրեն, որը բազմիցս հրաժարվել է կատարել Կառավարության որոշման պահանջները»,- ասաց Թորոսյանը։
Հարցին՝ ո՞ր պահանջը չի կատարել, Թորոսյանը պատասխանեց. «Տրամադրելու փաստաթղթեր, իրականացնելու Կառավարության որոշման պահանջը, որն է երկու ծառայությունների միավորումը, ինչը որևէ բան փակել չի նշանակում, այլ նշանակում է զարգացնել ծառայությունները»։
Անդրադառնալով երեկ տեղի ունեցած միջադեպին՝ Թորոսյանը նշեց, որ դա պայմանավորված է նրանով, որ չի կատարվել նախարարի հրամանը՝ հանձնել հիմնարկի կնիքը. «Սա, կարծում եմ, նաև իրավական հետևանքներ պետք է ունենա, որովհետև կարծում եմ՝ որևէ մեկի քմահաճույքով չի կարող որևէ պետական հիմնարկի կնիք առգրավվել և չտրվել օրինական ներկայացուցիչներին»։
Մանրամասները՝ տեսանյութում:
Նարեկ Կիրակոսյան
