03.06.2026 | 22:44
ԵՄ-ն ու Ադրբեջանը վերսկսում են երկկողմ համաձայնագրի շուրջ բանակցությունները
Քըրք Քրքորյանի կարողությունից 500 միլիոն դոլարը բարեգործական կազմակերպություններին բաժանելու իրավունք է տրվել
26.10.2017 | 14:35
Հանգուցյալ միլիարդատեր, բարերար Քըրք Քրքորյանի ունեցվածքը տնօրինելու դիմումին ընդառաջելով՝ Լոս Անջելեսի գերագույն դատարանի դատավոր Մարիա Սթրեթընն իրավունք է տվել միլիարդատիրոջ 1,6 միլիարդ դոլար կարողությունից 500 միլիոն դոլարը բարեգործական կազմակերպությունների փոխանցել. տեղեկացնում է asbarez.com-ը:
Քրքորյանի կողմից նշանակված երեք հոգանոց հանձնախմբի անդամները՝ Քրքորյանի կալվածքների վերակացու Էնթընի Մանտեքիքը, փաստաբան Պատրիսիա Կլեյսրը և Կալիֆոռնիայի համալսարանի Լոս Անջելեսի մասնաճյուղի բժիշկ Էրիկ Իսրայելյանը, նախապես Քրքորյանի հարստությունից 200 միլիոն դոլարը բաժանել էին բարեգործական մի շարք կազմակերպությունների:
Քրքորյանն իր կտակի մեջ նշել էր, որ իր հարստությունը պետք է բաժանվի իր մահից հետո առավելագույնը երեք տարվա ընթացքում: Նա մահացել է 2015 թվականի հունիսի 15-ին, Լոս Անջելեսում:
Նշվում է, որ 500 միլիոն դոլարի բաժանումը ուշացած էր՝ Քրքորյանի այրու կողմից բացված դատի պատճառով: Նա պահանջում էր բարերարի հարստությունից առնվազն 600 միլիոն դոլար յուրացնել։
