26.09.2026 | 20:38
Քաղաքացին ընկել է ջրհորը. նա հոսպիտալացվել է
Սուպերվարչապետական համակարգում հանրաքվե կանեի՞ն. հեռախոսը կվերցնեին, կզանգեին և վերջ. Փաշինյան. ՏԵՍԱՆՅՈՒԹ
Քաղաքականություն
20.02.2020 | 22:52
Մենք միշտ ասել ենք, որ հակակշիռների և փոխզսպումների իրական համակարգ ունենալը մեզ համար անխուսափելի օրակարգ է: Հանրային հեռուստաալիքին տված հարցազրույցում այս մասին ասաց վարչապետ Նիկոլ Փաշինյանը:
«Ես ուզում եմ արձանագրենք, որ ժողովրդավարությունը մեզ համար կասկածի տակ լինել չի կարող: Ընդ որում՝ շատ կարևոր է արձանագրել, որ մենք հիմա վստահ ասում ենք, որ ժողովրդավարությունը մեր երկրի համար որևէ արտերկրից ներմուծված երևույթ չէ, դա մեր ժողովրդի արժեհամակարգի մասն է, և դրա համար մենք ունենք ապացույց»,- ասաց Փաշինյանը:
Ապացույցներից մեկը, նրա խոսքով, 1988 թվականի ժողովրդական շարժումն է, որը առաջիններից էր ամբողջ սոցիալիստական ճամբարում, և 2018 թվականին տեղի ունեցած թավշյա հեղափոխությունը, որը նույնպես աննախադեպ էր:
«Շատ է խոսվում սուպերվարչապետական համակարգի մասին: Հիմա պատկերացնո՞ւմ եք, որ նախկինում, օրինակ, Սահմանադրական դատարանում փոփոխություններ անելու համար Կառավարությունը և խորհրդարանական իշխող ուժը հանրաքվե հրավիրեն: Եթե սուպերվարչապետական համակարգ է, ի՞նչն է պրոբլեմը, հեռախոսը վերցնում ես, ասում ես՝ հարգելի բարեկամներ, դուք ազատված եք աշխատանքից»,- ասաց Նիկոլ Փաշինյանը:
Մանրամասները՝ տեսանյութում:
