09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
9 մլն ՀԴՄ նախորդ հունվարի համեմատ ավել է տպվել. Դավիթ Անանյան. ՏԵՍԱՆՅՈՒԹ
Տնտեսություն
19.02.2020 | 14:42
2018 թվականի մայիսի համեմատ՝ հունվարի 27-ի դրությամբ ավելացված աշխատատեղերի քանակը եղել է ավելի քան 87 հազար. դրանց մի մասը ստվերից է դուրս բերվել, մի մասն էլ նոր ստեղծված աշխատատեղեր են: Այս մասին լրագրողների հետ զրույցում ասաց ՊԵԿ նախագահ Դավիթ Անանյանը:
Լրագրողի դիտարկմանը, թե էկոնոմիկայի նախարար Տիգրան Խաչատրյանի հայտարարությանը, որ ներդրումների հարցում նվազում կա, Դավիթ Անանյանն արձագանքեց, թե կարծում է՝ Տիգրան Խաչատրյանն ասել է, որ մեզ գոհացնող ծավալներով ներդրումներ չեն արվում:
«Եթե մենք համարենք, որ մեզ գոհացնում է, այդ ժամանակ մեզ թոշակի գնալու ժամանակը կլինի, որովհետև ոչ մի բան չպետք է մեզ գոհացնի, որովհետև եթե մենք լավ ենք աշխատում, արդյունքներ ունենք, այդ արդյունքները պետք է համարենք ոչ բավարար: Եթե կան ներդրումներ, բայց դրանք մեր պատկերացրած ծավալները չեն, ուրեմն մենք պետք է ավելի լավ աշխատենք»,- ասաց նա:
Դավիթ Անանյանը նշեց, որ հարկեր հավաքելու համար կան ծրագրային ցուցանիշներ, այն, ինչ սահմանված է պետական բյուջեի մասին օրենքով, դրանք կատարելու և գերակատարելու համար առնվազն պետք է երեք գործոն:
«Առաջինը՝ տնտեսությունը պետք է աճի, երկրորդը՝ հարկային քաղաքականության առումով պետք է ունենանք լավ գործիքակազմ, և երրորդ՝ պետք է արդյունավետ հարկային վարչարարություն իրականացնենք: Բայց մենք չենք սահմանափակվում միայն երրորդով՝ ասելով, որ մենք որպես ՊԵԿ՝ պետք է միայն պատասխանատու լինենք արդյունավետ հարկային վարչարարությամբ, մենք պետք է դերակատարում ունենանք ցանկացած տեղ: Մենք հարկահավաքման գործընթացն էլ կազմակերպելիս այնպես պետք է անենք, որ տնտեսական աճին նպաստենք, մենք հարկային քաղաքականության գործիքակազմի մշակման, ընդլայնման, վերափոխման գործողություններին պետք է ակտիվ մասնակցենք»,- ասաց նա:
Մանրամասները՝ տեսանյութում:
Նարեկ Կիրակոսյան
