«Էս խոշտանգում ա»․ ՍԴ անդամ Թոխյանի կատակին արձագանքեց Հրայր Թովմասյանը. ՏԵՍԱՆՅՈՒԹ

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Հրայր Թովմասյանի նախագահությամբ Սահմանադրական դատարանն այսօրվա նիստում նախ՝ հակասահմանադրական ճանաչեց «Ոստիկանության ծառայության մասին» օրենքի մի դրույթ, որով արգելվում է Ոստիկանության ծառայողին լինել կրոնական կազմակերպության անդամ։ Այս հարցը քննարկվել էր գրավոր ընթացակարգով և նիստն սկսելուն պես Հրայր Թովմասյանը հրապարակեց որոշումը։ Երկրորդ հարցով քննարկվում է «Ոստիկանության կարգապահական կանոնագրքի» մի կետի սահմանադրականությունը, որը վերաբերում է Ոստիկանության ծառայողի նկատմամբ քրեական հետապնդում ենթարկելուն և լիազորությունների կասեցմանը։

Դիմող՝ Մարդու իրավունքների պաշտպան Արման Թաթոյանի դիտարկմամբ՝ խնդիրն այն է, որ գործող օրենսդրությամբ Ոստիկանության ծառայողի նկատմամբ հարուցված քրեական գործի շրջանակում վերջինս միաժամանակ զրկվում է աշխատավարձի վճարման, սեփական նախաձեռնությամբ Ոստիկանությունում ծառայությունից ազատվելու, ինչպես նաև այլ պաշտոնի նշանակվելու հնարավորություններից, բացառությամբ գիտական, մանկավարժական և ստեղծագործական աշխատանք կատարելուց: Ուստի, Արման Թաթոյանն ասաց, որ այս դեպքում մարդը հնարավորություն չի ունենում օգտվել սոցիալական նվազագույն պայմաններից և չեն իրացվում մի շարք իրավունքներ՝ անձնական կյանքի, կրթության, առողջության և այլն։

Օմբուդսմենը նշեց, որ ոստիկանների իրավունքներն անհամաչափ սահմանափակվում են և խնդրեց հակասահմանդրական ճանաչել օրենքի համապատասխան կարգավորումները։ ՍԴ անդամ Ֆելիքս Թոխյանը նկատեց, որ «ՍԴ-ի ճամփան երկար է», և հարցրեց՝ արդյոք մինչ այս օմբուդսմենը խնդրով դիմե՞լ է կառավարություն, Ազգային ժողով․ «Մինչ օրս պատշաճ միջոցներ չեն ձեռնարկվել, հանդես են եկել օրենսդրական նախաձեռնություններով, սակայն արդյունք չի գրանցվել, և ես դիմել եմ ՍԴ»,- պատասխանեց Թաթոյանը։

Իսկ թե Ոստիկանության քանի՞ ծառայողի է վերաբերելու որոշումը, Թաթոյանն ասաց, որ որոշումը կունենա երկու ազդեցություն՝ անհատական մակարդակում և երկրի մասշտաբով․ «Դրանք չեն գերազանցում մեկ տասնյակը, բայց այս որոշումը մեծ ազդեցություն կունենա նման օրենսդրության բացառման տեսանկյունից և կանխարգելիչ ազդեցություն կունենա»։

Ի պատասխան, Ազգային ժողովի ներկայացուցիչն ընդունեց, որ որոշակի խնդիրներ առկա են։ Նրան հարց տալուց ցանկություն հայտնեց նաև ՍԴ անդամ Ֆելիքս Թոխյանը, որը Հրայր Թովմասյանից ճշտեց՝ էլի՞ հարց տվողներ կան բացի իրենից, ՍԴ նախագահը դրական պատասխան տվեց: «Էս խոշտանգում ա»,- կատակեց Թոխյանը։ Հրայր Թովմասյանը նկատեց․ «Դատարանը չի կիսում այդ պնդումը»։

Նիստին ներկա էին ՍԴ բոլոր անդամները, բացառությամբ՝ Վահե Գրիգորյանի։ Դատարանում են նաև Մարդու իրավունքների պաշտպան Արման Թաթոյանն ու ԱԺ ներկայացուցիչը։

Մանրամասները՝ տեսանյութում:

Ռոբերտ Անանյան