10.10.2026 | 15:55
Հոկտեմբերի 13-ից Հայաստանում սպասվում է անձրև և ամպրոպ
Ռազմական ոստիկանությունը մի տեղ է, որտեղ կորզվում են ցուցմունքներ․ Ժաննա Ալեքսանյան. ՏԵՍԱՆՅՈՒԹ
Հասարակություն
18.02.2020 | 12:50
Տարիներ շարունակ մենք՝ իրավապաշտպաններս, հայտարարում ենք Ռազմական ոստիկանության այն վիճակի մասին, որտեղ զինվորը միայն խոշտանգվում և բռնության է ենթարկվում: Բանակում մահվան դեպքերին ու պատճառներին նվիրված քննարկման ժամանակ այս մասին ասաց իրավապաշտպան Ժաննա Ալեքսանյանը:
«Վահրամ Ավագյանի դեպքով ևս զորամասի հրամանատարն ինձ ասաց, որ 35-40 զինվորին տարել-լցրել են Ռազմական ոստիկանություն: Այսինքն՝ Ռազմական ոստիկանությունը մի տեղ է, որտեղ տանում-լցնում են և ինչ ուզում՝ անում են, և այդ նույն ցուցմունքները, որ կորզվում են այնտեղ, դրվում են մեղադրանքների հիմքում»,- համոզմունք հայտնեց իրավապաշտպանը:
Նրա խոսքով՝ մինչև ներսից չխոսեն խնդիրների մասին, այդ կառույցները չեն առողջանա:
«Պետք է ասեմ, որ նույն Ազգային ժողովը և վերահսկողական այլ կառույցներ խորությամբ չեն պատկերացնում՝ բանակում ինչ է կատարվում, ինչպես են քննվում գործերը, ինչպես են տեղի ունենում հանցագործությունները, որովհետև մինչև հիմա կոծկվում են: Եվ տեսաք, որ պաշտպանության նախարարը ոչ մի բառ չի ուզում ասել, երբ հրապարակումներ կան էլիտար զորամասի մասին»,- հավելեց նա:
Մանրամասները՝ տեսանյութում:
