15.10.2026 | 09:30
ՀՀ տարածքում ավտոճանապարհներն անցանելի են
«Ամբողջ երկիրը վերածված է քրեակատարողական հիմնարկի». Ռուբեն Հախվերդյանը՝ «Սասնա ծռերի» անդամ Աշոտ Պետրոսյանից նկարելու մատիտները առգրավելու մասին
Հասարակություն
25.10.2017 | 15:47
«Սասնա ծռեր» խմբի անդամ, գեղանկարիչ Աշոտ Պետրոսյանին արգելում են իր մոտ պահել ստեղծագործելու համար պարագաներ, անգամ այնպիսիք, որոնք իրավական որևէ ակտով արգելված չեն, խոսքը վերաբերվում է թղթին, գունավոր գրիչներին, մոմամատիտներին. այսօր լրագրողների հետ հանդիպմանն ասաց փաստաբան Արայիկ Պապիկյանը:
«Չարգելված իրերի մուտքն է անգամ սահմանափակվում: Իսկ Քրեակատարողական օրենսգրքում նշվում է, որ պետությունը խրախուսում է, ողջունում է անազատության մեջ գտնվող անձանց ստեղծագործելու զբաղվածությունը: Այսինքն՝ ստեղծագործող մարդը պիտի ստեղծագործի: Իսկ ինչպե՞ս պիտի նկարիչը ստեղծագործի, եթե թույլ չեն տալիս գունավոր մատիտ ունենալ»,- հարց հնչեցրեց փաստաբանը՝ շեշտելով, որ այս ամենում տեսնում է և՛ օրենքի չիմացություն, և՛ դիտավորություն:
Ասուլիսի մյուս բանախոս, երգիչ-երգահան Ռուբեն Հախվերդյանը նկատեց. «Սա մի քավոր-սանիկային պետություն է…սակայն սրանից ավելի գլոբալ հարցեր կան, օրինակ, մարդու ապրելու իրավունքը. մարդիկ խոպան են գնում աշխատելու, ապրելու համար, սա մարդուն ապրելու իրավունքից զրկել ա չէ՞, ուրեմն էլ ի՞նչ ստեղծագործելու մասին է խոսքը»:
Մանրամասները՝ տեսանյութում:
