23.05.2026 | 23:15
Ըմբիշ Շահեն Մարտիրոսյանը վստահ հաղթանակով դարձավ Եվրոպայի Մ-15 չեմպիոն. ՏԵՍԱՆՅՈՒԹ
Ուսանողները ԱԺ-ի դիմաց են, պահանջում են հանդիպում Վիգեն Սարգսյանի հետ
Հասարակություն
25.10.2017 | 15:19
Ազգային ժողովի դիմաց ԵՊՀ պատմության ֆակուլտետի մի շարք ուսանողներ բողոքի ակիցա են անցկացնում՝ պահանջելով հանդիպում պաշտպանության նախարար Վիգեն Սարգսյանի հետ:
«Մեր խնդիրն այժմ այն է, որ հասարակության շատ լուրջ խմբեր չգիտեն օրենքի բովանդակությունը: Տարկետման ինստիտուտը վերացնելու հետ կապված մեծ լուսաբանում չի եղել: Սկզբնական շրջանում դասախոսները միայն դեմ էին, սակայն հիմա արդեն 4 դեկան միացել են ստորագրահավաքին»,- Factor.am-ի հետ զրույցում ասաց «Հանուն գիտության զարգացման» նախաձեռնության անդամ Դավիթ Պետրոսյանը՝ նշելով, որ իրենց նպատակն այժմ այն է, որ փոփոխությանը դեմ անձանց ձայնը լսելի դառնա:
Ուսանողները, հիշեցնենք, ընդդիմանում են Պաշտպանության նախարարության ներկայացրած «Զինվորական ծառայության և զինծառայողի կարգավիճակի մասին» օրինագծում նախատեսված փոփոխություններին, որոնցից մեկը վերաբերում է տարկետման իրավունքի վերացմանը:
Ազգային ժողովից ուսանողների հետ հանդիպեցին ընդդիմադիր «Ելք» խմբակցության պատգամավորներ՝ Գևորգ Գորգիսյանն ու Արարատ Միրզոյանը:
Գևորգ Գորգիսյանը լրագրողների հետ զրույցում վստահեցրեց՝ իրենց լծակները կօգտագործեն և ուսանողների մտահոգությունը կփոխանցեն պաշտպանության նախարար Վիգեն Սարգսյանին:
Մանրամասները՝ տեսանյութում
