26.09.2026 | 20:38
Քաղաքացին ընկել է ջրհորը. նա հոսպիտալացվել է
Բաքուն «հայերի հետ կապերի» համար մեղադրվող ընդդիմադիր գործչին 16 տարվա ազատազրկման է դատապարտել
Քաղաքականություն
14.02.2020 | 17:04
Բաքվի ծանր հանցագործությունների դատարանում ավարտվել է ընդդիմադիր գործիչ, թալիշների ազգային շարժման առաջնորդ Ֆահրադդին Աբոսզոդայի (Աբասով) գործով դատաքննությունը, գրում է Rusarminfo-ն՝ վկայակոչելով տեղական լրատվամիջոցները:
Դատարանը նրան դատապարտել է 16 տարվա ազատազրկման՝ Ադրբեջանի Քրեական օրենսգրքով նախատեսված «Պետական դավաճանություն» հոդվածով:
Ֆահրադդին Աբոսզոդան Ադրբեջանի հայցի հիման վրա Բաքու է արտահանձնվել 2019 թվականի փետրվարին՝ Ռուսաստանում կեցության ժամկետի ավարտի հետ կապված: Առաջին իսկ հարցազննության ժամանակ թալիշ գործչին մեղադրել են հայկական հատուկ ծառայությունների հետ կապերի համար և ուսումնասիրել Հայաստան նրա այցերի մասին տեղեկությունները:
