04.07.2026 | 14:41
Եվրոպական ինդեքսներն աճել են
Մեղրիի անցակետի արդիականացումն օրհասական է դարձել. ՊԵԿ նախագահի տեղակալ. ՏԵՍԱՆՅՈՒԹ
Տնտեսություն
14.02.2020 | 13:20
Մեղրիի անցակետը միակն է Հայաստանում, որը դեռևս չի արդիականացվել: Այսօր լրագրողների հետ հանդիպմանն ասաց ՊԵԿ նախագահի տեղակալ Շուշանիկ Ներսիսյանը:
«Այս անցակետի արդիականացումն արդեն օրհասական է դարձել, որովհետև հարավային դարպասով 2016 թվականից մինչև հիմա սահմանահատման քանակը 2 անգամ աճել է, և 13.000 ավտոմեքենայից հասել է մոտ 24.500-ի: Այս պահի դրությամբ փորձում ենք առավելագույնս լավ սպասարկել, բայց կետի թողունակությունն այլևս մեզ հնարավորություն չի տալիս մեր ուզած կերպով սպասարկումն ու վարչարարությունն իրականացնել»,- ասաց ՊԵԿ պաշտոնյան:
Նրա տեղեկացմամբ՝ նախագծա-նախահաշվային աշխատանքներն արդեն ավարտված են, շուտով մրցույթ կհայտարարվի և 2020 թվականի վերջին արդեն կմեկնարկեն Մեղրիի անցակետի արդիականացման աշխատանքները:
Մանրամասները՝ տեսանյութում:
