07.03.2026 | 14:22
Շունը երկու դահուկորդի է «տապալել» մարաթոնի ժամանակ․ ՏԵՍԱՆՅՈՒԹ
Սուրեն Կարայանն ընդունել է Ղրղզստանի էկոնոմիկայի նախարարին
Տնտեսություն
25.10.2017 | 12:14
ՀՀ տնտեսական զարգացման և ներդրումների նախարար Սուրեն Կարայանն այսօր ընդունել է Ղրղզստանի Հանրապետության էկոնոմիկայի նախարար Արտյոմ Նովիկովին: Այս մասին հայտնում է Նախարարության լրատվական ծառայությունը:
Նախարար Կարայանը նշել է, որ մեծածավալ աշխատանք կա իրականացնելու՝ հայ-ղրղզական տնտեսական համագործակցությունն ընդլայնելու համար, քանի որ ներկայիս առևտրաշրջանառության տեմպերը և ծավալները գոհացուցիչ չեն երկու կողմերի համար:
Ղրղզստանի էկոնոմիկայի նախարար Արտյոմ Նովիկովը շնորհակալություն է հայտնել հայ գործընկերոջը հանդիպման համար ևնշել, որ երկու երկրների տնտեսություններն ունեն մի շարք ընդհանրություններ, և այս համատեքստում համագործակցության լուրջ ներուժ կա:
Կողմերը պայմանավորվածություն են ձեռք բերել ստեղծելու տնտեսական համագործակցության ճանապարհային քարտեզ: Հայկական կողմը պատրաստակամություն է հայտնել նաև աջակցել Ղրղզստանին ԵՄ GSP+ համակարգին միանալու հարցում` կիսվելով փորձով:
Կողմերը պատրաստակամություն են հայտնել նաև աջակցելու միմյանց և խորացնելու փոխգործակցությունը ինտեգրացիոն միավորներում, մասնավորապես՝ ԵԱՏՄ շրջանակներում:
