20.01.2026 | 17:43
«Երեխաներից գոնե ամաչեք․ բա չհետաքրքրացնե՞մ մեր նիստը»․ Ռուբինյանը՝ Կյուրեղյանին․ ՏԵՍԱՆՅՈՒԹ
«Սահմանադրությունը հստակ նախատեսում է այն գործողությունները, որոնք ԱԺ-ն իրականացրեց»․ փաստաբան. ՏԵՍԱՆՅՈՒԹ
Հասարակություն
13.02.2020 | 13:25
Հանրաքվեի ինստիտուտը վարկաբեկման մեծ ճանապարհ է անցել՝ այն դեպքում, երբ այն ժողովրդավարության իրականացման կարևոր եղանակներից մեկն է։
1991 թվականից սկսած՝ ունեցել ենք տարբեր հանրաքվեներ, որոնցից միայն 1991-ի Անկախության հանրաքվեն էր, որ օրինականության առումով որևէ հարց չի առաջացրել։ Այս մասին այսօր՝ «Հանրաքվեից առաջ. ի՞նչ մոտեցումներ ունեն քաղհասարակության կառույցները» թեմայով քննարկմանը նշեց փաստաբան Կարապետ Բադալյանը։
«Հանրաքվեն չի կարող միայն իրավական հարթության մեջ դիտվել։ Այստեղ միախառնված են իրավական և քաղաքական բաղադրիչները։ Սա նոր մշակույթի սկիզբ է։ Սա շատ կարևոր քայլ է, որպեսզի ձևավորվի մշակույթ՝ կարևորագույն հարցերը ժողովրդի քննարկմանն ու լուծմանը դնելու։ Իրավական և քաղաքական առումով սա որևէ հարց չի կարող առաջացնել։ Ֆորմալիստական առումով՝ չեմ կարծում որևէ խնդիր կա, որովհետև Սահմանադրությունը հստակ և սպառիչ նախատեսում է այն գործողությունները, որոնք Ազգային ժողովն իրականացրեց։ Բացի այդ, անձինք, որոնք լիազորությունների դադարեցման հարցը դրում է հանրաքվեի, չեն կարող իրենց վերաբերյալ հարցի օրինականությունը լուծել։ Եվ եթե անգամ ենթադրենք, որ ֆորմալիստական առումով ինչ-որ խնդիրներ կան, ապա բովանդակային առումով դա իմաստազուրկ գործընթաց է լինելու, որովհետև այդ անձինք իրավունք չունեն իրենց վերաբերյալ որոշում կայացնելու»,- ասաց փաստաբանը։
Մանրամասները՝ տեսանյութում։
Նելլի Մելքոնյան
