04.07.2026 | 16:09
Տիգրան Խաչատրյանը նոր ռեֆերենտ ունի
Գնացեք Սերժ Սարգսյանին հարցրեք ձեր ամուսինների մահվան մասին. միջադեպ դատարանում
Հասարակություն
12.02.2020 | 14:54
«Սասնա ծռեր» խմբի տասն անդամի գործով դատական նիստում իրավիճակը լարվեց, երբ գործով հարցաքննության եկավ Էդգար Սողոմոնյանը, որը խմբի անդամների պնդմամբ՝ իրենց դեմ քննիչի ջանքերով կեղծ ցուցմունք է տվել:
Սողոմոնյանը մոտ մեկ ժամ միայն ասում էր՝ հրաժարվում եմ ձեր հարցերին պատասխանել: Ամբաստանյալները Սողոմոնյանին հարց էին տալիս՝ ով է սովորեցրել, որ լռի, ով է ցուցմունքի բովանդակությունը թելադրել, սա հունից հանեց մահացած ոստիկաններից մեկի կնոջը, որը նստած տեղից ասաց, թե բա ձե՞զ ով է սովորեցրել:
Գործով պաշտպան Զարուհի Փոստանջյանը բարկացավ եւ կոչ արեց հարգալից լինել: Երկու կողմերը սկսեցին միմյանց հասցեին տարատեսակ արտահայտություններ հնչեցնել:
Լսելի էր Զարուհի Փոստանջյանի խոսքը՝ գնացեք Սերժ Սարգսյանին հարցրեք ձեր ամուսինների մահվան մասին:
Դատարանը Զարուհի Փոստանջյանին հորդորեց լռել, մինչդեռ նա շարունակում էր հայտարարություններ անել, դատավորը նկատողություն հայտարարեց, սակայն Փոստանջյանը կրկին շարունակեց խոսել: Երեք նկատողություն տալուց հետո, դատարանը որոշեց Փոստանջյանին արգելել խոսել:
Մանրամասները՝ տեսանյութում:
Լիլիթ Շաբոյան
