27.04.2026 | 11:30
Աշխարհի գավաթ․ Դավիթ Չալոյանը՝ արծաթե մեդալակիր․ ՏԵՍԱՆՅՈՒԹ
Քոչարյանին ի՞նչն էր վախեցնում, որ արտակարգ դրություն մտցնելուց բացի սահմանափակել էր ԶԼՄ-ի աշխատանքը․ Սեդա Սաֆարյան. ՏԵՍԱՆՅՈՒԹ
Հասարակություն
11.02.2020 | 17:11
Մարտի 1-ի գործով տուժողի ներկայացուցիչ Սեդա Սաֆարյանն այսօր դատարանում ասաց, որ Քոչարյանի և մյուսների նկատմամբ քրեական հետապնդումը դադարեցնելու վերաբերյալ միջնորդությունը ժամանակավրեպ է և պետք է թողնվի առանց քննության։
Անդրադառնալով Ռոբերտ Քոչարյանի կողմից այդ օրերին արտակարգ դրություն մտցնելուն՝ Սաֆարյանն ասաց․ «Դա ոչ թե արտակարգ դրություն էր, այլ ռազմական դրություն։ Ռոբերտ Քոչարյանին ի՞նչն էր վախեցնում, որ բացի արտակարգ դրություն մտցնելուց նաև սահմանափակել էր լրատվամիջոցների աշխատանքը»։
Սեդա Սաֆարյանն անդրադառնալով 2008-2009 թվականներին, ասաց, որ հիմա փոխվել է այն, որ իրենց 2008 թ.-ին, օրինակ, թույլ չէին տալիս ծավալուն ելույթներ ունենալ և իրականացնել պատշաճ պաշտպանություն․ «Իսկ այսօր դուք հնարավորություն ունեք իրար հերթ չտալով, կամ տալով խոսել»։ Սաֆարյանն ասաց, որ երբ սկսեն ուսումնասիրել գործի նյութերը՝ կտենենք, որ Սահմանադրական կարգի տապալումը միակը չէ, որ պետք է առաջադրվեր ամբաստանյալներին։
Մանրամասները՝ տեսանյութում։
Լիլիթ Շաբոյան
