27.08.2026 | 19:44
COP17-ի ընթացքում Երևանի քոլեջները երկու շաբաթ առկա դասեր չեն անցկացնի
ԳՇ պետ Արտակ Դավթյանը վաղը լինելու է ապրիլյան պատերազմի քննիչ հանձնաժողովում
Քաղաքականություն
06.02.2020 | 22:30
Վաղը՝ փետրվարի 7-ին տեղի է ունենալու ապրիլյան պատերազմի հանգամանքներն ուսումնասիրող քննիչ հանձնաժողովի հերթական նիստը: Factor.am-ին հայտնի դարձավ, որ վաղը նիստին հրավիրվելու է Զինված ուժերի գլխավոր շտաբի պետ Արտակ Դավթյանը:
Հիշեցնենք, որ նախորդ նիստին հանձնաժողով էր եկել ՊՆ նախկին նախարար Սեյրան Օհանյանը: Հիշեցնենք նաև, որ Ազգային ժողովում ապրիլյան պատերազմի հանգամանքներն ուսումնասիրող քննիչ հանձնաժողով ստեղծելու անհրաժեշտության մասին նախորդ տարվա մայիսի 20-ին հայտարարեց ՀՀ վարչապետ Նիկոլ Փաշինյանը:
«Կարծում եմ՝ հասունացել է ժամանակը՝ 2016 թվականի ապրիլյան պատերազմի հանգամանքներն ուսումնասիրող Ազգային ժողովի քննիչ հանձնաժողով ստեղծելու և մեզ բոլորիս հուզող մի շարք հարցերի պատասխանները ստանալու համար»,- ասել էր նա և ընդգծել. «Կան նախկին կոռուպցիոն համակարգը ներկայացնող կոնկրետ ուժեր, որոնք փորձ են անում կյանքի կոչել իրենց կողմից նախկինում կիրառված բանաձևը, այն է՝ տարաձայնություններ, հակասություններ և նույնիսկ թշնամանք հրահրել Արցախի և Հայաստանի ժողովրդի միջև՝ «բաժանիր, որ տիրես» տրամաբանությամբ, նախկինում իրենց կողմից թույլ տրված կոռուպցիոն հանցագործությունները կոծկելու, արդարացնելու նպատակով»:
Նարեկ Կիրակոսյան
