02.10.2026 | 11:25
Փաշինյանի երեկվա դիրքորոշումից հետո Հ1-ը հայտնում է՝ որևէ աշխատակից պատասխանատվության չի ենթարկվի սեպտեմբերի 27-ի համերգի համար
Երևանի 2019թ. բյուջեի և զարգացման ծրագրի հաշվետվությունները ներկայացված են հանրային քննարկման. քաղաքապետարան
06.02.2020 | 23:03
Երևանի 2019թ. բյուջեի կատարման և զարգացման ծրագրով իրականացված աշխատանքների հաշվետվություններն արդեն հասանելի են բնակիչներին և քաղաքապետին կից Երևանի քաղաքային համայնքի զարգացման հնգամյա ծրագրի և տարեկան բյուջեի կառավարման խորհրդի որոշմամբ ներկայացվել են հանրային քննարկման. տեղեկացնում են Երևանի քաղաքապետարանից:
«Ծանոթանալ հաշվետվություններին հնարավոր է քաղաքապետարանի պաշտոնական՝ www.yerevan.am կայքի «Զարգացման ծրագրեր» և «Ֆինանսներ» բաժիններում: Առաջարկներ, դիտողություններ կամ նամակներ կարող եք ուղարկել մինչև փետրվարի 20-ը՝ [email protected] և [email protected] էլեկտրոնային հասցեներով, ինչպես նաև գրավոր ներկայացնել քաղաքապետարան:
Փետրվարի 21-ին` ժամը 11:00-ին քաղաքապետարանում (Արգիշտիի փողոց 1) կանցկացվեն հանրային բաց լսումներ: Մասնակցության համար անհրաժեշտ է մինչև փետրվարի 19-ը ներառյալ ներկայացնել դիմում»,- ասված է հաղորդագրությունում:
