03.04.2026 | 11:24
«Մի տնից 3 ցուցակ եք բերել, 57 հոգի մարդ ա, էսի իմ ու քո մեջ»․ ընտրակաշառքի գործով 62 անձ է ձերբակալվել․ ՏԵՍԱՆՅՈՒԹ
«Էրեբունի պլազա» ներխուժած տղամարդու նկատմամբ դատահոգեբուժական փորձաքննություն է նշանակվել
Հասարակություն
06.02.2020 | 20:09
Հունվարի 23-ին «Էրեբունի պլազա» ներխուժած Արթուր Թորոսյանի նկատմամբ դատահոգեբուժական փորձաքննություն է նշանակվել։ Այս մասին Factor.am-ին հայտնեց Թորոսյանի պաշտպան Էդուարդ Աղաջանյանը։
«Փորձաքննության եզրակացությունը դեռևս չի ստացվել»,- ասաց Աղաջանյանը։
Նրա խոսքով՝ նախորդ շաբաթ իր պաշտպանյալի նկատմամբ ընտրված խափանման միջոցի (կալանավորում) դեմ բողոքը դեռևս չի քննվել։
«Դեռ դատական նիստ չի նշանակվել»,- նշեց պաշտպանը։
Հիշեցնենք, որ հունվարի 23-ին Արթուր Թորոսյանը ներխուժել էր «Էրեբունի պլազա» և կրակոցներ հնչեցրել։
Ավելի ուշ՝ ոստիկանապետի պաշտոնակատար Արման Սարգսյանը բանակցել էր նրա հետ և իր ծառայողական մեքենայով հեռացրել տարածքից։
Արթուր Թորոսյանին առաջադրված է մեղադրանք՝ պատանդ վերցնելու և գույքը վնասելու հոդվածներով։
Նելլի Մելքոնյան
