09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Կողմնորոշիչ քարտեզ ենք ձևավորել․ Տիգրան Խաչատրյանը՝ սպանդանոցների խնդրի մասին. ՏԵՍԱՆՅՈՒԹ
Տնտեսություն
06.02.2020 | 12:20
Կառավարության այսօրվա նիստում սպանդանոցների խնդրին վերաբերող հարցի քննարկման ժամանակ ՀՀ էկոմոնիկայի նախարար Տիգրան Խաչատրյանը տեղեկացրեց, որ հանձնարարական ստանալուց հետո այն քննարկել են համապատասխան գերատեսչությունների հետ, վեր են հանել բոլոր այն խնդիրները, որոնք առչնվում են ոչ միայն ֆինանսական հարցերին, այլև կարող են առնչվել սպանդը կազմակերպելու և հանրության համար անվտանգ մսամթերք մատակարարելու շղթայի օղակներին:
«Առաջարկել ենք փոփոխություններ կատարել ֆինանսական վարձակալության մասին Կառավարության որոշման մեջ, որը նախատեսում է, որ այդ բնագավառում գործող կազմակերպությունները կարող են, մինչև 8 տարի ժամկետով 11% տոկոսադրույքով ֆինանսավորվելու դեպքում, 7%-ի չափով սուբսիդավորվել Կառավարության կողմից հատկացվող աջակցության միջոցներից»,- մանրամասնեց նախարարը:
Նա տեղեկացրեց, որ այդպիսով հնարավորություն է ընձեռվում իրականացնել երեք տիպի գործունեություն՝ շարժական սպանդանոցների ֆինանսավորում, միս տեղափոխող մեքենաների համար ֆինանսավորում և մոդուլային սպանդանոցների կառուցում:
Տիգրան Խաչատրյանը հավելեց, որ համապատասխան կողմնորոշիչ քարտեզ են ձևավորել:
Մանրամասները՝ տեսանյութում:
