15.07.2026 | 09:46
ՀՀ տարածքում ավտոճանապարհներն անցանելի են
ԵՄ աշխատակազմի և ԵՄ անդամ երկրների կողմից ներդրվում են ջանքեր, որպեսզի ՀՀ-ԵՄ համաձայնագիրը կյանքի կոչվի. Պ. Սվիտալսկի
Քաղաքականություն
24.10.2017 | 12:43
Բոլորիդ հայտնի է այն բարեփոխումների շղթան, որ վերջին տարիների ընթացքում մենք իրականացրինք՝ կապված ՀՀ ընդհանուր, մարզային ռազմավարությունների, ՏԻՄ ոլորտի հետ և այլն. այսօր «Նորարարությունները և տարածքային զարգացումը՝ որպես արևելյան գործընկերության երկրների աճի գործոններ» համաժողովի բացմանը ասաց ՀՀ տարածքային կառավարման և զարգացման նախարար Դավիթ Լոքյանը:
«Մեր համայանքներից 570-ում մենք արդեն ունենք ժամանակակից համակարգերի որոշակի բլոկներ, բայց մենք ծրագրելու ենք, որ մինչև 2020թ.-ը որպես արդյունք գրանցենք տեղական, տարածքային կառավարման մարմիններում էլեկտրոնային համակարգի ամբողջական ներդրումը»,- ասաց նախարարը:
Իսկ Հայաստանում ԵՄ պատվիրակության ղեկավար Պյոտր Սվիտալսկին անդրադարձավ առաջիկայում ստորագրվելիք ՀՀ-ԵՄ համապարփակ և ընդլայնված գործընկերության համաձայնագրին. «Ուզում եմ հավաստիացնել, որ բոլոր անհրաժեշտ քայլերը կատարվում են Եվրամիության կողմից, որպեսզի այդ համաձայնագիրը ստորագրվի: ԵՄ աշխատակազմի և ԵՄ անդամ երկրիների կողմից ներդրվում են ջանքեր, որպեսզի այն կյանքի կոչվի: Ես լավատես եմ ու հավատում եմ, որ ՀՀ-ԵՄ համաձայնագիրը ժամանակին կստորագրվի»:
Մանրամասները՝ տեսանյութում:
