02.10.2026 | 08:25
Երևանում մեկնարկել է «Աղոթքի նախաճաշ» համաժողովը. ՈՒՂԻՂ
Ով կասկածում էր կոռուպցիան արմատախիլ անելու մեր վճռականությանը, հասկացան, որ ամեն ինչ շատ լուրջ է. ՏԵՍԱՆՅՈՒԹ
Քաղաքականություն
06.02.2020 | 11:43
Վարչապետ Նիկոլ Փաշինյանը Կառավարության այսօրվա նիստի մեկնարկին ասաց՝ երեկ կաշառք ստանալու մեղադրանքով ձերբակալվել է Քաղաքաշինության կոմիտեի նախագահ Վահագն Վերմիշյանը, ինչը տխուր և ուրախ իրադարձություն է միաժամանակ:
«Ուզում եմ ասել, որ սա մի կողմից՝ տխուր, վիրավորական, բայց մյուս կողմից՝ ուրախ իրադարձություն է: Տխուր է, որովհետև ՀՀ դրոշի, զինանշանի ներքո և ՀՀ ժողովրդի անունից գործող պաշտոնյան կարող է ձեռքը երկարել կեղտոտ գործարքի համար: Վիրավորական է, որ ՀՀ դրոշի և զինանշանի ներքո գործող պաշտոնյան կարող է, օրինակ, վարչապետի կողմից շնորհվող Վաստակավոր շինարարի կոչում ստանալու հարցում աջակցելու համար վերցնել 5.000 դոլար կաշառք և վարչապետին միջնորդություն ներկայացնել՝ այդ անձին Վաստակավոր շինարարի կոչում շնորհելու վերաբերյալ: Եվ սա անձնական վիրավորանք է իմ հասցեին և ՀՀ ժողովրդի հասցեին»,- հայտարարեց վարչապետը:
Նրա խոսքով՝ նման անձինք պետք է ենթարկվեն խստագույն պատասխանատվության:
«Ուրախ իրադարձություն է այն առումով, որ եթե ՀՀ-ում կար որևէ մեկը, որ կասկածում է կոռուպցիան արմատախիլ անելու մեր կամքին և վճռականությանը, հույս ունեմ, որ այդ մարդիկ հասկացան, որ ամեն ինչ շատ ավելի լուրջ է»,- հավելեց Փաշինյանը:
Մանրամասները՝ տեսանյութում:
