29.04.2026 | 12:34
Թրամփի դիմանկարը՝ ամերիկյան անձնագրի շապիկին
Եվրոպական պահանջները կաշկանդում են մեր ոստիկաններին. Ալիկ Սարգսյանը՝ Սերժ Սարգսյանի քննադատության մասին
24.10.2017 | 12:17
ԱԺ ՀՀԿ խմբակցության պատգամավոր, նախկին ոստիկանապետ Ալիկ Սարգսյանը կարծում է, որ ոստիկանների աշխատանքը բարդ է, ուստի չի բացառվում՝ լինեն բացթողումներ:
«Բնականաբար, նախագահն էլ ճիշտ ներկայացրեց թերությունները, դրանք ի ցույց դրեց: Բացի այդ, նախազգուշացրեց, որպեսզի ոստիկանությունն իր հետագա գործունեության ընթացքում դա հաշվի առնի՝ դրանք հասցնելով նվազագույնի»,- խորհրդարանում լրագրողների հետ զրույցում ասաց նախկին ոստիկանապետը՝ անդրադառնալով երեկ Սերժ Սարգսյանի՝ ոստիկաններին ուղղված քննադատությանը:
Factor.am-ի դիտարկմանը՝ նախագահի խոսքից տպավորություն է ստեղծվում, որ ոստիկանները որոշ դեպքերում անգամ անգործության են մատնված, Ալիկ Սարգսյանն ասաց՝ ինքն այդ տպավորությունը չի ստացել: Ինչ վերաբերում է ոստիկանապետ Վլադիմիր Գասպարյանի հնարավոր հրաժարականին, պարոն Սարգսյանը նկատեց՝ նախագահի խոսքից այդ եզրահանգմանը չպետք է գալ:
Factor.am-ի հարցին՝ Սերժ Սարգսյանն ասել է՝ չի ստացվում արդյունավետ կերպով պայքարել զենքի ապօրինի շրջանառության դեմ, ինչո՞ւ, նախկին ոստիկանապետը չցանկացավ մեկնաբանել: Ի դեպ, պարզվեց՝ նախկին ոստիկանապետը ոստիկանության լիազորություններն ավելացնելու անհրաժեշտություն է տեսնում, ավելին ասաց՝ այժմ Եվրոպայից ներկայացված պահանջները կաշկանդում են ոստիկաններին:
Մանրամասները՝ տեսանյութում:
Շողիկ Գալստյան
