10.08.2026 | 17:11
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գաբրիելյանին. ՏԵՍԱՆՅՈՒԹ
Շիրակի ոստիկանները անասնագողության դեպք են բացահայտել. ՏԵՍԱՆՅՈՒԹ
Հասարակություն
03.02.2020 | 13:21
Փետրվարի 2-ին, ժամը 15.30-ի սահմաններում, ոստիկանության Ախուրյանի բաժնում Շիրակի մարզի Արևիկ գյուղի մի բնակիչ հաղորդում է տվել, որ հունվարի 31-ից մինչև փետրվարի 1-ը կոտրել են գյուղի սկզբնամասում գտնվող իր անասնագոմի դռան փականը և գողացել 2 կով՝ պատճառելով մոտ 400.000 դրամի նյութական վնաս:
«Գողությունը կատարած անձին հայտնաբերելու ուղղությամբ ոստիկանները անհետաձգելի միջոցառումներ ձեռնարկեցին, բացահայտման աշխատանքներին միացան նաև ոստիկանության Անիի բաժնի ծառայողները: Եվ հաղորդումից ժամեր անց տեղեկություններ ստացվեցին, որ գողությունը հնարավոր է կատարած լինի Ջրափի գյուղի 22-ամյա մի բնակիչ:
Իրավապահների բացատրական աշխատանքի շնորհիվ նույն օրը, ժամը 23-ի սահմաններում, կասկածվողը ներկայացել է բաժին և խոստովանել, որ կովերն ինքն է գողացել ու տեղափոխել իր անասնագոմ:
Գողոնը հայտնաբերվել է:
Փաստի առթիվ հարուցվել է քրեական գործ:
Հանգամանքները պարզվում են:
Նախաքննությունը շարունակվում է»,- գրում է նա:
