11.02.2026 | 23:36
Քարաթափումներ Երևան-Մեղրի ավտոճանապարհին. վնասվել են ավտոմեքենաներ
Թուրքական զրահատեխնիկայի նոր շարասյուն է հատել Սիրիայի սահմանը
Քաղաքականություն
02.02.2020 | 17:32
Թուրքական ռազմական շարասյունը հատել է Սիրիայի հետ սահմանը: Այս մասին հաղորդում է twnews.se-ն հղումանելով Al Arabiya-ին:
Նշվում է, որ շարասյունը բաղկացած է մի քանի տասնյակ զրահատեխնիկայից՝ ներառյալ տանկերը:
Ընդհանուր առմամբ, թուրքական բանակի առնվազն 40 զրահատեխնիկա՝ այդ թվում և տանկեր են հատել սահմանը՝ «Քաֆր Լուսին» անցակետով, որը գտնվում է Սիրիայի հյուսիսային Իդլիբ նահանգում:
Շարասյան վերջնակետի վերաբերյալ որևէ տվյալ չկա:
Հիշեցնենք, որ այս շաբաթվա սկզբին Թուրքիայի նախագահ Ռեջեփ Թայիփ Էրդողանը մեղադրել էր Ռուսաստանին Սիրիայի վերաբերյալ ընթացիկ պայմանավորվածություններն անտեսելու համար և ասել, որ իր երկիրը կգործի ինքնուրույն ՝ մինչև նոր ռազմական գործողություն, եթե Մոսկվան չվերանայի Ասադի ռեժիմի հետ իր համագործակցությունը:
Մինչ այդ, օրվա ընթացքում, Իդլիբ նահանգի շուրջ 40 հազար բնակիչներ լքել էին իրենց տները Ասադի բանակի գնդակոծման և ռուսական ինքնաթիռների ռմբակոծման պատճառով: Անցյալ տարվա նոյեմբերի սկզբից Սիրիայում ներքին տեղահանվածների ընդհանուր թիվը գերազանցել է 540 հազար մարդ:
