28.12.2025 | 21:58
Զապորոժիեի ԱԷԿ-ում ժամանակավոր հրադադար է հաստատվել՝ էլեկտրահաղորդման գծերի վերանորոգման համար
Թեկնածուականը պաշտպանածներից քանի՞սն են հոդված գրել կամ գիտության համար որևէ քայլ կատարել. Վիգեն Սարգսյանը՝ տարկետման իրավունքի վերացման մասին
Քաղաքականություն
23.10.2017 | 17:57
ՀՀ պաշտպանության նախարար Վիգեն Սարգսյանի համար անհասկանալի է՝ ինչու պետք է նույն ֆակուլտետում սովորող մի ուսանողը կես բալ ավել ստանալու համար օգտվի տարկետման իրավունքից, մյուսը՝ ոչ: Այս մասին այսօր ԱԺ Պաշտպանության և անվտանգության հարցերի մշտական հանձնաժողովի նիստում անդրադառնալով աղմկահարույց փոփոխությանը՝ հայտարարեց նախարարը:
Ըստ Վիգեն Սարգսյանի՝ տարկետման տրամադրման հարցում պետք է լինի երկու մոտեցում:
«Կամ պետությունը որոշում է, որ ցանկացած քաղաքացի, ով ուզում է ստանալ բարձրագույն կրթություն, պետք է ունենա տարկետում մինչև ուսման ավարտը, կամ ոչ ոք տարկետում չի ստանում, որովհետև դրա արանքում ընկածը սուբյեկտիվիզմի և մասնակի լուծումների մեթոդ է: Ես չեմ տեսնում պատճառ, որ, օրինակ, ֆիզկուլտ ինստիտուտում սովորողները կարող են ունենալ տարկետման հնարավորություն, իսկ, օրինակ, Ամերիկյան համալսարանը կարող է ունենալ տարկետման իրավունքի շատ սահմանափակ քանակ՝ ընդամենը 10 տեղ: Ինձ համար հասկանալի չէ, թե ինչու նույն մասնագիտությամբ նույն ֆակուլտետում սովորող մի քաղաքացին պետք է ունենա հնարավորություն ավարտելու իր ուսումը հետո հայրենիքի իր պարտքը կատարելու կամ չկատարելու: Մեկ ուրիշը՝ 18 տարին լրանալուն պես զորակոչվի, որովհետև ընդունելության ժամանակ օբյեկտիվ կամ սուբյեկտիվ պատճառներով իր կողքին նստած դասընկերոջից հավաքել է կես բալ պակաս»,- նշեց նախարարը:
Մանամասները՝ տեսանյութում:
