20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Սաշիկ Սարգսյանի որդին տեսակցել է եղբորը. ՏԵՍԱՆՅՈՒԹ
Հասարակություն
31.01.2020 | 14:49
Երևանի ընդհանուր իրավասության դատարանի Շենգավիթի նստավայրում ընթանում է պաշտոնաթող նախագահ Սերժ Սարգսյանի եղբորորդի՝ Հայկ Սարգսյանի գործով դատական նիստը:
Նախքան նիստի մեկնարկը Հայկ Սարգսյանը տեղեկացրեց, որ տեսակցել է կալանավորված եղբորը՝ Նարեկ Սարգսյանին, որն ավելի հայտնի է Ֆրանկլին Գոնսալես անունով։
Հարցին՝ ի՞նչ վիճակում է եղբայրը, պատասխանեց՝ ընտիր։
Նա չցանկացավ պատասխանել այլ հարցերի՝ նշելով, որ դատական նիստից ուշանում է։
Հիշեցնենք, որ դեկտեմբերի 21-ին Ոստիկանության ծառայողների ուղեկցությամբ Նարեկ Սարգսյանը Չեխիայից տեղափոխվել է Հայաստան։ Նրա նկատմամբ միջազգային հետախուզում էր հայտարարվել դեռևս մեկ տարի առաջ։ Անցած տարի դեկտեմբերի 6-ին Նարեկ Սարգսյանը «Ինտերպոլ»-ի աջակցությամբ հայտնաբերվեց Պրահայում ու ձերբակալվեց: Ըստ Ոստիկանության պաշտոնական հաղորդագրության, Սարգսյանը ներկայացել էր Գվատեմալայի քաղաքացու կեղծ անձնագրով՝ Ֆրանկլին Գոնսալեսի անձնական տվյալներով։ Ձերբակալվելուց ուղիղ մեկ տարի անց, Չեխիան բավարարել է նախկին նախագահի եղբորորդուն Հայաստանին հանձնելու միջնորդությունը։ Նախորդ տարվա հունիսի 26-ին Ազգային անվտանգության ծառայությունում Նարեկ Սարգսյանի նկատմամբ հարուցվել էր քրեական գործ՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու հատկանիշներով:
Լիլիթ Շաբոյան
