10.07.2026 | 21:08
Բաքվի վերաքննիչ դատարանում հայ գերիները հայտարարել են, որ իրենց մեղավոր չեն ճանաչում
Հայաստանի տնտեսական ակտիվության ցուցանիշը 2019 թ. տարեկան կտրվածքով կազմել է 107.8%, որն ամենաբարձրն է 2011 թ.-ից սկսած. ՀՀ վարչապետ
Տնտեսություն
31.01.2020 | 14:11
Վիճակագրության կոմիտեն հրապարակեց 2019թ. դեկտեմբերի Տնտեսական ակտիվության ցուցանիշը, ֆեյսբուքի իր էջում գրել է ՀՀ վարչապետ Նիկոլ Փաշինյանը:
«Ըստ այդմ՝ դեկտեմբերը գերազանցել է տարվա բոլոր ռեկորդները, ապահովելով 10.7 տոկոս տնտեսական ակտիվության աճ:
Ընդ որում, արտահանումն աճել է 13 տոկոսով:
– Ծառայությունները՝ 11.6 տոկոսով:
– Արդյունաբերությունը՝ 6.4 տոկոսով:
– Շինարարությունը՝ 4.9 տոկոսով։
– Աշխատավարձերը՝ 5.4 տոկոսով:
Տարվա արդյունքները ավելի ռեկորդային են: Կներկայացնեմ ավելի ուշ»,- գրել է վարչապետը, ապա քիչ անց ևս մեկ գրառում է կատարել.
«Վիճակագրության կոմիտեն հրապարակեց նաեւ 2019-ի տարեկան ՏԱՑ ցուցանիշը:
Ըստ այդմ՝ Հայաստանի տնտեսական ակտիվության ցուցանիշը 2019 թվականի տարեկան կտրվածքով կազմել է 107.8%, որն ամենաբարձրն է այս ցուցանիշի հաշվարկման ողջ ընթացքում՝ սկսած 2011 թվականից:
– Արդյունաբերական արտադրանքի ծավալն ավելացել է 9%-ով,
-Շինարարության ծավալն ավելացել է 4.6%-ով,
-Գյուղատնտեսության համախառն արտադրանքի ծավալը կրճատվել է 4.2%-ով,
-Առևտրի շրջանառությունն ավելացել է 8.9%-ով,
-Ծառայությունների ծավալն աճել է 15%-ով:
– Ներմուծման աճը կազմել է 10.8%, իսկ արտահանման ծավալն ավելացել է 9.4%-ով:
Անկեղծ ասած՝ այս տվյալների արդյունքներով 2019-ի համար ՀՆԱ-ի 8 տոկոս աճի հույս ունեմ: Ցուցանիշը կհրապարակվի փետրվարին:)»:
