20.01.2026 | 19:10
Չեռնոբիլի ատոմակայանն անջատվել է արտաքին էլեկտրամատակարարումից ռուսական հարձակումից հետո. ՄԱԳԱՏԷ
ՌԴ Գլխավոր դատախազությունը Հետաքննող հանձնաժողովին պարտավորեցրել է Խաչատրյան քույրերի մեղադրանքն ինքնապաշտպանություն վերաորակավորել
Հասարակություն
31.01.2020 | 11:55
ՌԴ Գլխավոր դատախազությունը Հետաքննող հանձնաժողովին պարտավորեցրել է Խաչատրյան քույրերին առաջադրված սպանության մեղադրանքը վերաորակավորել ինքնապաշտպանություն և լրացուցիչ նախնական հետաքննություն անցկացնել։
Այս մասին հայտնում է ՏԱՍՍ-ը՝ հղում անելով Խաչատրյան քույրերի փաստաբաններից Ալեքսեյ Պարշինին։
Քույրերի պաշտպաններից Ալեքսեյ Լիպցերն էլ հայտարարել է․ «Քրեական գործը լրացուցիչ նախնական հետաքննության վերադարձնելու վճիռ է կայացվել։ Գլխավոր դատախազի տեղակալը նշել է, որ անհրաժեշտ է քույրերի գործողությունները վերաորակավորել, քանի որ դրանցում անհրաժեշտ պաշտպանություն է դիտարկվում: Այս կապակցությամբ դատախազությունը վերադարձրել է գործը`օրենքի խախտումները վերացնելու և հավաքված ապացույցները պատշաճ գնահատելու համար»։
Ավելի վաղ, ՔԿ-ում հայտարարել էին, որ այս քրեական գործի հետաքննությունն ավարտվել է, և աղջիկներին, նախնական պայմանավորվածությամբ, սպանություն կատարելու մեղադրանք էր առաջադրվել։
Հիշեցնենք, որ աղմկահարույց դեպքը կատարվել էր 2018-ի հունիսի 27-ին։
Քննության տվյալներով՝ Խաչատրյան քույրերը սպանել են իրենց հորը՝ Մոսկվայի Ալտուֆևյան պողոտայում գտնվող իրենց տանը։
Պաշտպանների կարծիքով՝ հայրը քույրերին մի քանի տարի պարբերաբար ծեծի է ենթարկել, սեռական բռնություն գործադրել, և որ աղջիկները գործել են անհրաժեշտ ինքնապաշտպանության շրջանակներում։
