13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Ողջունելի, սակայն կիսաքայլ է. փաստաբանը՝ պարտադիր զինծառայություն չանցած ՀՀ քաղաքացիների՝ հանրային ծառայության չանցնելու մասին
Հասարակություն
23.10.2017 | 14:51
Իմ կարծիքով 2 կարևոր հանգամանք կա. օրինագծով նոր գաղափար է ներմուծվել, որ օրենքի խախտմամբ պարտադիր զինծառայություն չանցած ՀՀ քաղաքացիները չեն կարող անցնել հանրային ծառայության: Սա ողջունելի, սակայն կիսաքայլ է ու կհորդորեի, որ այս կամ այն պատճառով զինծառայություն չանցածները հանրային ծառայության չկարողանային անցնել. այս մասին այսօր կայացած մամուլի ասուլիսին ասաց փաստաբան Նորայր Նորիկյանը՝ խոսելով «Զինվորական ծառայության և զինծառայողի կարգավիճակի մասին» օրենքի նախագծից:
«Երկրորդ հանգամանքը. «Պատիվ ունեմ» ծրագրի շրջանակներում, որի ճարտարապետը պաշտպանության նախարար Վիգեն Սարգսյանն է, դրույթ է սահմանվել, համաձայն որի՝ բուհերի այն ուսանողները, որոնք ցանկանում են ուսման բերումով տարկետում ստանալ, նրանք պարտադիր պայմանագիր են կնքում ՀՀ ՊՆ-ի հետ և ՊՆ-ի կողմից որոշված վայրում անցնում են զինծառայության՝ սպայի կարգավիճակով: Իսկ եթե ինչ-ինչ պայմաններով ցանկանում է խզել պայմանագիրը, ապա կոչումազրկվում են և ուղարկվում զինծառայության՝ որպես շարքային»,- ասաց նա՝ նշելով, որ այս պարագայում լուրջ հոգեբանական խնդիր է ստեղծվելու Զինված ուժերում:
Մանրամասները՝ տեսանյութում:
