29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Սպառազինությունը գնալով ավելի տեսակարար կշիռ պետք է կազմի ՊՆ գնումներում. Վիգեն Սարգսյան
23.10.2017 | 13:03
Ազգային ժողովի Պաշտպանության և անվտանգության հարցերի մշտական հանձնաժողովի նիստում քննարկվում է «Պաշտպանության մասին» օրենքի նախագիծը: Քննարկման ընթացքում ընդդիմադիր «Ելք» դաշինքի կողմից առաջարկ ներկայացրեց խմբակցության պատգամավոր Էդմոն Մարուքյանը՝ ընդգծելով, որ այն ներառված է եղել դաշինքի նախընտրական ծրագրում:
«Մենք առաջարկում ենք «Պաշտպանության մասին» օրենքում ավելացնել նոր հոդված՝ Հայաստանում գործող հայկական արտադրողներից կատարվող գնումների տարեկան աճի վերաբերյալ, որով առաջարկում ենք Զինված ուժերի գնումները տեղական արտադրողներից յուրաքանչյուր տարի ավելանա նախորդ տարի փաստացի կատարված ռազմական բյուջեի գնումների առնվազն երկու տոկոսի չափով»,- առաջարկը ներկայացրեց Էդմոն Մարուքյանը: Պատգամավորի համոզմամբ՝ Հայկական բանակը պետք է իր գնումները կատարի տեղական արտադրողից՝ նպաստելով տնտեսության զարգացմանը:
Պաշտպանության նախարար Վիգեն Սարգսյանը, սակայն, նշեց՝ օրենքում նման սահմանափակում դնելը նպատակահարմար չէ: Վիգեն Սարգսյանի վստահեցմամբ՝ նախարարությունն առանց այդ էլ իր գնումների գերակշիռ մասը կատարում է տեղական արտադրողից, խոսքն, իհարկե, չի վերաբերում սպառազինությանը: Ընդդիմադիր պատգամավորի պնդմամբ՝ առաջարկն այնուամենայնիվ դրվեց քվեարկության և մերժվեց հանձնաժողովի կողմից:
Մանրամասները՝ տեսանյութում:
Շողիկ Գալստյան
